Salmos 71:1-24
71 Te jsaʼoj jnakʼobbail ta atojolal, Kajval Jeova.
Mu me jutebuk xi-akʼat-o ta kʼexlal.+
2 Koltaun xchiʼuk pojun ta skoj li atukʼilale.
Tsʼetano tal achikin ta jtojolal* xchiʼuk koltaun.+
3 Kʼotan kʼuchaʼal jtsatsal nakʼobbail ti te oy ta mukʼta tone,ti bu skotol ora xuʼ xi-och batel tee.
Alo mantal ti akʼo xkichʼ koltaele,yuʼun voʼot li tayal ton kʼotemot kuʼune xchiʼuk voʼot jtsatsal pojobbailot.+
4 Dios kuʼun, pojun lokʼel ta skʼob li buchʼutik toj chopole,+pojun lokʼel ta skʼob li j-ilbajinvanejetik ti muʼyuk stukʼilike.
5 Kajval Jeova ti Mukʼul Jpasmantalote, voʼot spatobilot koʼonton;ta jkeremal onoʼox jpatoj koʼonton ta atojolal.*+
6 Voʼot onoʼox aventainojun-o kʼalal livokʼe;voʼot la alokʼesun tal ta yalajeb jmeʼ.+
Jech-o ta jkʼupil kʼoptaot.
7 Ep buchʼutik labal to sba laj yilik li kʼusi kʼot ta jtojolale,yuʼun voʼot li jtsatsal nakʼobbailote.
8 Jaʼ oy-o ta ke ti ta jkʼupil kʼoptaote;+skotol kʼakʼal chkalbe skʼoplal li avutsilale.
9 Mu xaviktaun komel mi limolibe;+mu xajipun komel kʼalal muʼyuk xa kipale.+
10 Oy kʼusitik chopol chalik ta jtojolal li kajkontratakexchiʼuk jmoj tsnop skʼopik li buchʼutik tskʼan tsmilikune,+
11 xi chalike: «Iktabil xa komel yuʼun li Diose.
Jnutstik batel xchiʼuk bat jtsaktik, yuʼun chʼabal buchʼu xkoltaat».+
12 Dios, mu nomuk xavakʼ aba ta jtojolal.
Dios kuʼun, laʼ koltaun ta anil.+
13 Akʼo yichʼik kʼexlaltasel xchiʼuk lajesel+li buchʼutik tskontrainikune.Pixiluk xkomik ta vokolil xchiʼuk ta kʼexlal
li buchʼutik tskʼan chakʼik jvokole.+
14 Yan li voʼone liʼ ta jmalaot-oe;mas to ta jkʼupil kʼoptaot.
15 Chal batel atukʼilal li kee;+skotol kʼakʼal chal batel li kʼusitik apasoj sventa chakoltavane,toj echʼ xa noʼox ep li kʼusitik apasoj sventa chakoltavane, mu xlaj kuʼun ta chapel.+
16 Kajval Jeova ti Mukʼul Jpasmantalote,chital xchiʼuk chkalbe skʼoplal li kʼusitiklabalik sba apasoje;chkalbe skʼoplal ti voʼot noʼox atuk oy atukʼilale.
17 Dios kuʼun, ta jkeremal onoʼox achanubtasojun tal+xchiʼuk yakal-o chkalbeskʼoplal li kʼusitik toj labalik sba apasoje.+
18 Dios kuʼun, mu me xaviktaun komel mi limolibe xchiʼuk mi sakub jole.+
Akʼo kalbe batel skʼoplal ajuʼel* li jkʼol kuxlejal chtalexchiʼuk akʼo kalbe batel skʼoplal atsatsal skotol li buchʼutik tsʼakal to chtalike.+
19 Dios, chkʼot kʼalal to vinajel li atukʼilale;+toj echʼ xa noʼox mukʼtik li kʼusitik apasoje;Dios kuʼun, ¿buchʼu la xkoʼolaj jech kʼuchaʼal li voʼote?+
20 Akʼo mi laj avakʼ ti jvul tajek koʼonton xchiʼuk ti xkil jvokole,+akʼo xikuxi ta achʼ avuʼun;lokʼesun tal li ta yutil to* balumile.+
21 Akʼo mukʼibuk avuʼun jkʼoplal,chabiun xchiʼuk pato koʼonton.
22 Vaʼun, ta jkʼupil kʼoptaot ta stijobil son ti oy yakʼiltakta skoj ti tukʼ chavakʼ abae, Dios kuʼun.+
Voʼot ti chʼulot yuʼun Israele,ta jkʼupil kʼoptaot ta kʼejimoletik* ta arpa.
23 Ch-avan ta muyubajel ke kʼalal ta jkʼupil kʼoptaot ta kʼejimoletike,+yuʼun voʼot achabioj tal li jkuxlejale.+
24 Ta jnopbe skʼoplal* atukʼilal skotol kʼakʼal,+yuʼun chichʼ kʼexlaltaselxchiʼuk chichʼ bikʼtajesbel skʼoplal li buchʼutik tskʼan tsmilikune.+
Tsʼibetik ta yok vun
^ O «Nijano aba tal xchiʼuk chikintabun».
^ O «voʼot spatobilot koʼonton».
^ Literal «akʼob».
^ O «natil voʼ yuʼun».
^ O «ta jtijbot sonetik».
^ O «Li kokʼe chalbe skʼoplal».
