Salmos 74:1-23
Maskil* yuʼun Asaf.+
74 Dios, ¿kʼu yuʼun apʼajojunkutik ta j-echʼel?+
¿Kʼu yuʼun tstsan* skʼakʼal avoʼonton ta stojolal li chijetik ti oy ta avosile?+
2 Vuleso ta ajol li jteklum* ti la atʼuj ta voʼnee,+li nitilulal ti la apoj lokʼel sventa xkʼot ta arextoe.*+
Vuleso ta ajol li vits Sione, ti bu nakalote.+
3 Kʼelo batel ti bu jinem-o xa sbatel osile.+
Li jkontrainvaneje la slajes skotol li kʼusitik oy ti bu chʼule.+
4 Li avajkontratake te x-avetik ta yut ti bu chavichʼ ichʼel ta mukʼe.*+
Yakʼojbeik lek senyailtak te.
5 Xkoʼolajik kʼuchaʼal viniketik ti te stseplajetik ta slomesel li pimil teʼtikaltike.
6 La slilinik ta ekʼel xchiʼuk ta kʼatkʼat* takʼin li slujoaltak+ ti bu chʼule.
7 La stsanbeik skʼakʼal ti bu chʼul avuʼune.+
Laj yikʼubtasik xchiʼuk la slomesik yalel li axibalna ti yichʼoj abie.
8 Xi yaloj ta yoʼontonik xchiʼuk li snitilulalike:
«Li ta balumil ti bu chichʼ ichʼel ta mukʼ Diose skʼan xichʼ chikʼel skotol».
9 Chʼabal junuk senyail sventa xkilkutik;mi junuk xa j-alkʼop oyxchiʼuk mi junuk buchʼu snaʼ kuʼunkutik ti kʼu to sjalil chjalije.
10 Dios kuʼun, ¿bakʼin to jech chlabanvan li jkontrainvaneje?+
¿Mi ta sbatel-o van osil muʼyuk chichʼ ta mukʼ abi li jkontrainvaneje?+
11 ¿Kʼu yuʼun muʼyuk chabakʼes li abatsʼikʼobe?+
Mu teuk noʼox ameyoj li akʼobe,* lajesbo skʼoplalik.
12 Pe voʼne xa onoʼox kʼotem ta Ajvalil kuʼun li Diose,ti jaʼ li buchʼu oy kʼusitik tspas sventa chkoltavan li ta balumile.+
13 Voʼot la ayukʼilan ta atsatsal li nabe;+voʼot la avochʼbe* sjol li mukʼtikil chanul nabe.
14 Voʼot la avochʼbe* sjol* li Leviatane,*jaʼ laj avakʼbe slajesik li jteklume, li buchʼutik te nakajtik ta takixokol balumile.
15 Voʼot la ajambe sbe li sat voʼetike* xchiʼuk li beoʼetike;+Voʼot la atakijes li ukʼumetik ti tsots toʼox yoke.+
16 Jaʼ avuʼun li kʼakʼaltike, jaʼ avuʼun xtok li akʼobaltike.
Voʼot la apas li sakil osile* xchiʼuk li kʼakʼale.+
17 Voʼot laj avakʼbe stsʼakiltak li balumile;+voʼot laj avakʼ li verano* xchiʼuk inviernoe.*+
18 Kajval Jeova, teuk me ta ajol ti kʼu yelan tsaʼvanik ta kʼop li jkontrainvanejetike,ti kʼu yelan muʼyuk yichʼojik ta mukʼ abi li boljteklume.+
19 Mu xavakʼ ta stojolal jtiʼvanej chonbolometik li xkuxlejal atortolae.*
Mu xachʼay ta ajol ta sbatel osil li xkuxlejal ateklumal ti chil svokole.
20 Vuleso ta ajol li tratoe,yuʼun jaʼ lek xaʼiik te xnaki jsaʼkʼopetik ti butik ikʼmutsʼan* li ta balumile.
21 Mu me chibajemuk yoʼonton xbat li buchʼu lilijem yoʼontone;+akʼo skʼupil kʼopta abi li buchʼu bikʼit chakʼ sbae xchiʼuk li buchʼu abol sbae.+
22 Dios kuʼun, totsan tal xchiʼuk pako akʼoplal sventa tukʼ xavichʼ chapanel.
Vuleso ta ajol ti kʼu yelan tslabanoxuk skotol kʼakʼal li buchʼutik bolike.+
23 Mu me xachʼay ta ajol kʼusitik chalik li avajkontratake.
Ti kʼu yelan xvochlajetik* tsaʼoxuk ta kʼope chkʼot kʼalal to ta vinajel.
Tsʼibetik ta yok vun
^ Literal «xtoket xchʼailal».
^ Literal «ti bu atsoboj ep krixchanoetik».
^ O «apukulale; apartee».
^ O «ti bu chatsob ep krixchanoetike».
^ O «teltel».
^ O «Mu teuk noʼox atikʼoj akʼob li ta xpuxbenal akʼuʼ apokʼe».
^ O «atʼusbe».
^ O «atʼusbe».
^ Literal «sjoltak».
^ O «nioʼetike».
^ O «li kʼusi chakʼ xojobale».
^ Jaʼ xkaltik, yorail kʼepelaltik.
^ Jaʼ xkaltik, yorail siktik.
^ O «apuruvoke».
^ O «ikʼpulan».
^ O «x-avlajetik».