Salmos 79:1-13
Skʼejimol Asaf.+
79 Dios, li mukʼtik lumetike och yuʼuninik li ateklumale;+yikʼubtasojik xa li achʼul temploe;+ep tokol* slilijemal kom yuʼunik li Jerusalene.+
2 Yakʼojbeik slajes mutetik ta vinajel li sbekʼtal avajtuneltak ti chamemik xaexchiʼuk li sbekʼtal buchʼutik tukʼ yakʼoj sbaik ta atojolale yakʼojbeik stiʼ li jtiʼvanej chonbolometik ta balumile.+
3 Smalojbeik kʼuchaʼal voʼ li xchʼichʼelik ta sjunul Jerusalenexchiʼuk muʼyuk xa buchʼu xuʼ xmukatik.+
4 Kichʼojkutik pʼajel yuʼun li buchʼutik liʼ noʼox nopol nakalike;+tstseʼintaunkutik xchiʼuk chchopol kʼoptaunkutik li buchʼutik liʼ oy ta jpat jxokonkutike.
5 Kajval Jeova, ¿kʼu to van sjalil ti ilinemot-oe? ¿Mi ta sbatel-o van osil?+
¿Kʼu to van sjalil ti xtiltun skʼakʼal avoʼonton kʼuchaʼal kʼokʼe?+
6 Malo tal skapemal ajol ta stojolal li mukʼtik lumetik ti mu stsakikot ta ventaexchiʼuk ta stojolal li jteklumetik ti muʼyuk tskʼanik vokol ta abie.+
7 Yuʼun laj xa slilinik ta tiʼel li Jakobexchiʼuk li slumale xokol xa kom yuʼunik.+
8 Maʼukuk xkom ta jbakutik avuʼun li spaltail* jtot jmeʼkutik ta voʼnee.+
Akʼo kilkutik ta anil li xkʼuxul avoʼontone,+yuʼun yalesbilunkutik ti bu mas to olone.
9 Dios ti voʼot jkoltavanejot kuʼunkutike, koltaunkutik+ta skoj li abi ti jun to yutsile;pojunkutik xchiʼuk pasbunkutik perton* jmulkutik ta skoj li abie.+
10 ¿Kʼu yuʼun ti xi chal li mukʼtik lumetike: «¿Bu oy li Sdiosike?»?+
Akʼo kilkutik ti tstaik ta ojtikinel mukʼtik lumetik
ti laj xa yichʼ pakbel skʼoplal xchʼichʼel li avajtuneltake.+
11 Chikintao me ti tsjikʼ yoʼonton li jchukele.+
Tuneso amukʼul juʼel* sventa xachabi* li buchʼutik chapbil xa skʼoplal chchame.*+
12 Kajval Jeova, vukub velta xatojbe li buchʼutik liʼ noʼox nopol nakalike,+yuʼun kʼotem to ta atojolal ti tsaʼvanik ta kʼope.+
13 Vaʼun, li voʼonkutik ti ateklumalunkutike xchiʼuk ti achijunkutik ta avosile+chkalbotkutik kolaval ta sbatel osil;jech xtok, ta jkʼupil kʼoptaotkutik li ta jaykʼol kuxlejal chtale.+
Tsʼibetik ta yok vun
^ O «jun yepal».
^ O «li xchopolil».
^ Literal «pixo».
^ Literal «amukʼul kʼob».
^ O jaʼ van skʼoplal «xakolta lokʼel».
^ Literal «xnichʼnab lajelale».