Salmos 81:1-16
Sventa bankilal jtijson; sventa guitit.* Skʼejimol Asaf.+
81 Avananik ta muyubajel ta stojolal li Diosti jaʼ kipaltike.+
Avananik ta skoj ti kuch yuʼun li Dios yuʼun Jakobe.
2 Lik xa tijik li sone xchiʼuk tsakik junuk pandereta,*lik xa tijik li arpa ti kʼupil sba yechʼomal kʼalal jmoj chichʼ tijel xchiʼuk li stijobil son ti oy yakʼiltake.
3 Jupanik kachu kʼalal jaʼo achʼ li lunae,*+kʼalal jaʼo syijil li lunae, li ta skʼakʼalil jkʼintike.+
4 Yuʼun jaʼ jun mantal sventa li Israele,jaʼ li kʼusi kʼot ta nopel yuʼun li Sdios Jakobe.+
5 Laj yakʼ kʼuchaʼal jun mantal sventa Jose+kʼalal bat stsak ta kʼop li yosilal Ejiptoe.+
Oy buchʼu laj kaʼibe yechʼomal ye* ti mu jnaʼ buchʼue:*
6 «Voʼon la jtoybe li yikatsik ti skajanoj ta snekebike;+xokol kom skʼobik ti stsakojik toʼox moche.
7 La ataun ta kʼoponel kʼalal jaʼo oy avokole, vaʼun la jkoltaot;+te to la jtakʼbot tal li ta tok ti oy xchaukale.*+
Laj kakʼot ta preva li ta stsʼel voʼ ta Meribae.*+ (Sela).
8 Jteklumal, chikintao, vaʼun ta jpʼijubtasot.
Israel, ti tauk xachikintabune.+
9 Muʼyukuk me yan adiosikxchiʼuk skʼan me mu xanijan abaik ta stojolal yan dios.*+
10 Voʼon Jeovaun, voʼon Adiosunti jaʼ li buchʼu la slokʼesot tal ta yosilal Ejiptoe.+
Jamo lek li avee, vaʼun ta jnojesbot tal.+
11 Pe muʼyuk la xchikintabun yechʼomal ke li jteklumale;muʼyuk la xchʼunik jmantal li Israele.+
12 Jech oxal, laj kakʼ ti spasik li kʼusi tskʼan yoʼonton stukike;jaʼ la spasik li kʼusi tukʼ yalojike.*+
13 ¡Ati stsʼet chikintaikuk kʼusi chkal li jteklumale,+ti jaʼuk la stamik batel jbetak li Israele!+
14 Ta jbikʼtajesbe skʼoplal ta anil jechuk li yajkontratakike;ta jtsakbe ta kʼop jechuk li yajkontratakike.+
15 Li buchʼutik spʼajojik Jeovae smutsetik xa ta xiʼel ta stojolalxchiʼuk chichʼik lajesel sbatel osil.
16 Pe li stuke jaʼ chakʼbot alajes* li lekil* trigoe+xchiʼuk tsnojes lek achʼut ta pom ti chlokʼ tal ta mukʼta tone».+
Tsʼibetik ta yok vun
^ O «chijchij takʼin».
^ O «ue».
^ O «skʼopojel».
^ O «Laj kaʼi jun yechʼomal eal, pe muʼyuk laj kaʼibe smelolal».
^ Jaʼ skʼan xal ‹saʼkʼop›.
^ Literal «ti bu nakʼal li chauke».
^ Literal «li dios ti yan-o slumale».
^ Literal «jaʼ jech la spasik kʼuchaʼal li tojobtaseletik yuʼunike».
^ Literal «chakʼbe slajes», jaʼ xkaltik, li steklumal Diose.
^ Literal «li sjupʼemal».
