Salmos 92:1-15
Salmo. Kʼejimol ta sventa li skʼakʼalil savadoe.
92 Lek ti xkalbotkutik kolavale, Jeova,+xchiʼuk ti xichʼ kʼupil kʼoptael ta kʼejimoletik* li abie, voʼot ti toj toyol oyote,
2 ti xichʼ albel skʼoplal ta sob li tukʼil kʼanelal avuʼune+xchiʼuk ti xichʼ alel ta akʼobaltik ti tukʼ chavakʼ abae,
3 ti jaʼo jmoj xichʼ tijel xtok li stijobil son ti oy lajuneb yakʼile xchiʼuk li stijobil son ti oy oxib yakʼile,ti te xlamet yutsil yechʼomal li arpae.+
4 Yuʼun avakʼoj ti xkuxet noʼox koʼonton ta skoj li avabteltake, Kajval Jeova,xi-avet ta muyubajel ta skoj li yabteltak akʼobe.
5 Kajval Jeova, ¡toj echʼ xa noʼox mukʼtik li avabteltake!+
¡Solel muʼyuk spajeb li kʼusitik chanope!+
6 Li krixchano ti mu snaʼ xrasonaje mu sta ta ojtikinel taje;mi junuk bol krixchano xaʼibe smelolal liʼe:+
7 Kʼalal chvokʼik tal kʼuchaʼal chopol tsʼiʼlel* li buchʼutik toj chopolikexchiʼuk kʼalal xnichinik noʼox skotol li jpaschoplejaletike,jaʼ sventa chichʼik lajesel ta sbatel osil.+
8 Yan li voʼote, Jeova, toj toyol akʼoplal sbatel osil.
9 Yuʼun kʼelavil kʼu yelan chyalik ta lum li avajkontratake, Kajval Jeova,kʼelavil kʼu yelan chlajik li avajkontratake;chichʼik pukel batel skotol li jpaschoplejaletike.+
10 Pe voʼot chavakʼbun mas jtsatsal jech kʼuchaʼal li jkot teʼtikal tot vakaxe;ta jaxbe lekil aseite+ li jnukulile.
11 Ta xkil ta jsat ti chyalik ta lum li kajkontratake;+chkʼot ta jchikin ti kʼu yelan chlomik yalel li buchʼutik toj chopolik ti tsaʼikun ta kʼope.
12 Yan li buchʼutik tukʼike chnichinik kʼuchaʼal jtekʼ steʼel xanxchiʼuk lek mukʼ chchʼiik kʼuchaʼal jtekʼ sedro teʼ ta Libano.+
13 Te tsʼunbilik li ta sna Jeovae;xnichinik noʼox li ta yamakʼtak* Jdiostike.+
14 Akʼo mi ep xa sjabilalik,* tsatinik-o;+jech-o tsotsik* xchiʼuk yoxik-o,+
15 jech-o chalik batel ti tukʼ li Jeovae.
Jaʼ kʼotem ta Mukʼta Ton kuʼun+ li buchʼu mu spas li kʼusi muʼyuk tukʼe.
Tsʼibetik ta yok vun
^ O «xichʼ tijbel sonetik».
^ O «yaxal».
^ O «sak xa sjolik».
^ Literal «jupʼemik».
