Salmos 95:1-11
95 ¡Laʼik, avetkutik ta muyubajel ta stojolal Jeova!
Kuxetuk koʼontontik xij-avan xchiʼuk kʼejinkutik ta stojolal li Mukʼta Ton kuʼuntik ti jaʼ jpojobbailtike.+
2 Batik ta stojolal* sventa xkalbetik kolaval;+kʼejinkutik xchiʼuk avankutik ta muyubajel ta stojolal.
3 Yuʼun jaʼ mukʼul Dios li Jeovae,jaʼ mukʼul Ajvalil yuʼun skotol li yan diosetike.+
4 Jaʼ sventainoj li yutil to balumile;jaʼ sventainoj li tayal vitsetike.+
5 Jaʼ yuʼuninoj li nab ti jaʼ spasoj stuke+xchiʼuk jaʼ yabtel skʼob li takin balumile.+
6 Laʼik, kichʼtik ta mukʼ xchiʼuk jnijan jbatik;jkejan jbatik ta stojolal li Jeova ti jaʼ Jpasvanej kuʼuntike.+
7 Yuʼun jaʼ Jdiostikxchiʼuk jaʼutik li steklumal ti te oyutik ta yosile,jaʼutik li chijetik ti chchabie.*+
Mi chachikintabeik avi li kʼusi chale,+
8 mu me xatsatsubtas avoʼontonik jech kʼuchaʼal la spasik amoltotakik li ta Meribae,*+jech kʼuchaʼal ta skʼakʼalil Masa* ta takixokol balumil+
9 kʼalal laj yakʼikun ta prevae;+la skʼelik koʼonton, akʼo mi laj yilik li kabteltake.+
10 40 jabil x-ibet koʼonton likom yuʼun li jkʼol kuxlejal taje xchiʼuk xi laj kale:
«Jaʼik jun jteklum ti skotol ora kʼejpʼujem* li yoʼontonike;muʼyuk to yojtikinojik li jbee».
11 Jaʼ yuʼun, ta skʼakʼal koʼonton xi laj kakʼ kee:
«Muʼyuk ch-ochik li ta xkuxobil koʼontone».+
Tsʼibetik ta yok vun
^ Literal «ta yeloval sat».
^ Literal «ti oy ta skʼobe».
^ Jaʼ skʼan xal ‹saʼkʼop›.
^ Jaʼ skʼan xal ‹preva› o ‹chichʼ akʼel ta preva›.
^ O «kʼejevem».