Salmos 96:1-13
96 Kʼejintabeik junuk achʼ kʼejimol+ li Jeovae.
¡Spʼejel balumil,+ kʼejintaik li Jeovae!
2 Kʼejintaik li Jeovae; kʼupil kʼoptabeik li sbie.
Alik batel jujun kʼakʼal li lekil aʼyejetik sventa kolebal yuʼune.+
3 Alik batel ta stojolal mukʼtik lumetik li smukʼulale,alik batel ta stojolal jteklumetik li kʼusitik labalik sba spasoje.+
4 Toj mukʼ li Jeovae xchiʼuk sta-o tajek kʼupil kʼoptael.
Jaʼ mas toj labal sba, jaʼ mu jechuk li yan diosetike.
5 Skotol li sdiostak jteklumetike jaʼik diosetik ti muʼyuk sbalilike,+yan li Jeovae jaʼ la spas li vinajele.+
6 Jun noʼox yutsil xchiʼuk xojobinaj noʼox ti bu oye;+li sjuʼel xchiʼuk yutsilale te oy ti bu chʼul yuʼune.+
7 Akʼbeik Jeova li kʼusi sta-oe, voʼoxuk li ta jujuchop nitilulal ta jteklumetike,akʼbeik Jeova li kʼusi sta-o ta skoj li smukʼulale xchiʼuk li yipe.+
8 Albeik smukʼulal Jeova ti sta-o ta skoj li sbie;+ichʼik batel junuk matanal xchiʼuk ochanik batel li ta yamakʼe.*
9 Alapojuk achʼul kʼuʼik xakejan abaik ta stojolal* Jeova;¡spʼejel balumil, ichʼik lek ta mukʼ!
10 Xi xavalik batel ta stojolal mukʼtik lumetike: «¡Kʼot xa ta Ajvalil li Jeovae!+
Lek nakanbil li balumile,* mu stakʼ bakʼesel.*
Mu tʼujbiluk yajval chchapan* li jteklumetike».+
11 Muyubajuk li vinajele xchiʼuk kuxetuk yoʼonton li balumile;xvoʼoʼetuk ta muyubajel li nabe xchiʼuk skotol li kʼusitik oy tee;+
12 muyubajuk li osiltik xchiʼuk skotol li kʼusitik oy tee.+
Jech xtok, jaʼuk-o x-avanik ta muyubajel ta yeloval Jeova skotol li teʼetik ta toyolaltike,+
13 yuʼun chtal,*chtal xchapan li balumile.
Tukʼ ta xchapan li balumil ti bu oy yajvale*+xchiʼuk tukʼ chakʼ sba kʼalal ta xchapan li jteklumetike.+
Tsʼibetik ta yok vun
^ O «xavichʼik ta mukʼ».
^ O «li balumil ti bu xchʼi lek kʼusitike».
^ O «nikesel».
^ O «tspakbe skʼoplal».
^ O «talem xa».
^ O «li balumil ti bu xchʼi lek kʼusitike».
