Salmos 99:1-9
99 Kʼotem ta Ajvalil li Jeovae.+ Akʼo nikikuk ta xiʼel li jteklumetike.
Te chotol ta xchotleb sventa ajvalil ta yakʼol* li keruvinetike.+ Akʼo nikuk li balumile.
2 Mukʼ skʼoplal ta Sion li Jeovaexchiʼuk toyol skʼoplal ta stojolal skotol li jteklumetike.+
3 Akʼo skʼupil kʼoptaik li amukʼul bie,+yuʼun chʼul xchiʼuk toj echʼ xa noʼox labal sba.
4 Jaʼot jun tsatsal ajvalil ti akʼanoj li tukʼilale,+
voʼot anakanoj lek li kʼusitik tukʼe.
Avakʼoj tukʼilal xchiʼuk kʼusitik tukʼ+ ta stojolal li Jakobe.
5 Toybeik skʼoplal li Jeova ti jaʼ li Dios kuʼuntike+ xchiʼuk nijano abaik ta yeloval* li skajleb yakane;+chʼul li stuke.+
6 Li buchʼutik kʼotik ta paleetik yuʼune te tsakal ta venta li Moises xchiʼuk Aarone+xchiʼuk li buchʼutik la skʼanbeik vokol ta sbie te tsakal ta venta li Samuel eke.+
La skʼanbeik vokol li Jeovae,vaʼun takʼbatik.+
7 Te kʼoponatik tal ta jvol tok.*+
La xchʼunik li pʼijubtasel* albatike xchiʼuk li mantal albatike.+
8 Kajval Jeova, Dios kuʼunkutik, voʼot la atakʼbe.+
Voʼot li Dios ti laj avakʼbe pertone,+pe laj avakʼbe kastigo* ta skoj li kʼusitik chopol la spasike.+
9 Toybeik skʼoplal li Jeova ti jaʼ li Dios kuʼuntike+xchiʼuk nijano abaik ta yeloval* li xchʼul vitse,+yuʼun chʼul li Jeova ti jaʼ li Dios kuʼuntike.+
Tsʼibetik ta yok vun
^ O jaʼ van skʼoplal «ti bu oy».
^ O «ichʼik ta mukʼ».
^ Literal «jtel tok».
^ O «svulesobil ta jolil».
^ Literal «la apakbe sutel».
^ O «ichʼik ta mukʼ».
