1. Иегова — туж гажась-жалясь.

Котьку но юрттыны со дась.

Ӟечсэ лэсьтэ но шумпотэ,

Со косытэк ачиз дыртэ.

Куке мылкыд туж куашкамын —

Вӧсяськемед ни кылэмын.

Лябмес тодэ со асьмелэсь,

Тодэ Инмар: ми — тузонлэсь.

2. Сьӧлык кельтэ ке кужымтэк,

Вазиськиськом ӝегатскытэк.

Иисус соин ик валэктӥз,

Вӧсяськыны со дышетӥз:

«Тон кушты вал сьӧлыкъёсмес,

Кызьы куштӥм пунэмъёссэс».

Кӧтӝож, йыркур ке нош вуноз —

Сюлэмамы каньыл луоз.

3. Яратэммы милям потэ,

Шырыт сяммы кароз матэ.

Шудо со мурт, кин быгатэ

Кузьмаськыны, дунтэк юрттэ.

Ӟеч ужъёсмы синйылтэмын,

Ӧвӧл соос вунэтэмын.

Ӟеч карисьёс, зэм, шудоесь,

Инмар азьын туж чебересь.