1. Иегова, ваньзэ тодӥськод тон,

Уг ватскы мон тынад син азьысьтыд.

Туж тыршисько шонер весь улыны мон.

Малпанъёсме но лыдӟиськод тон мынэсьтым.

Адӟид, кызьы кылдӥ, будӥ мон,

Анаелэн пушказ монэ куид.

Вордскемелэсь азьло чаклад, тодӥд но

Яратыса бур киыныд монэ кутӥд.

Малпанъёсыд монэ туж паймыто ук,

Нош ужъёстэ котьку данъям потэ.

Пеймыт ваньзэ уйин кадь шобыртӥз ке,

Монэ отысь поттод тон югытэ.

Иегова, котькытчы мыно мед,

Уг пегӟы мон тынад син улысьтыд.

Сюйлы пӧрмо, оло, инме тубо мон —

Уг ватскы, Атае, ноку но тынэсьтыд.