55-ТӤ КЫРӞАН
Эн кышка тушмонлэсь!
(Матфей 10:28)
-
1. Калыке, азьлань тон мын но
Вера Эксэйлык сярысь.
Тон эн кышка тушмонлэсь,
Уть лулзэс востэмъёслэсь.
Вера тон: Иисус — Эксэй ни,
Ваньзэсты ӝоген вормоз,
Шайтанэз жильыялоз но
Эрике сюрес усьтоз.
ПРИПЕВ
Калыке, тон чик эн кышка!
Тон азям, артэ монэн.
Аслэсьтым синчеберме кадь,
Мон котьку утё тонэ.
-
2. Тушмонэд тынад туж трос на —
Ӝикато но кышкато,
Куаш потто но кыл вӧлдо,
Пумитад йырзэс ӝуто.
Бен, пумит султо, но юнме,
Тон огнад ӧвӧл — монэн.
Пумозяз артэ луо мон,
Мозмыто, утё тонэ.
ПРИПЕВ
Калыке, тон чик эн кышка!
Тон азям, артэ монэн.
Аслэсьтым синчеберме кадь,
Мон котьку утё тонэ.
-
3. Ноку огнадэ уг кельты,
Мон тынад утиськонэд.
Чигиськиз ке улонэд,
Лулъялоз, тод, Инмаред.
Мугорез виисьёслэсь нош
Тон эн кышка, уть лулдэ.
Эксэйлык палан тон юн сыл,
Ялан уть оскиськондэ.
ПРИПЕВ
Калыке, тон чик эн кышка!
Тон азям, артэ монэн.
Аслэсьтым синчеберме кадь,
Мон котьку утё тонэ.
(Озьы ик учкы К. Зак. 32:10; Неем. 4:14; Пс. 58:2; 82:3, 4.)
