Иеговаез шумпоттон понна, милемлы оскон кулэ. Озьы ке но Библиын гожтэмын: «Ваньмызлэн осконэз ӧвӧл» (2 Фес. 3:2). Апостол Павел тае вераз «сӧриськем, кескич адямиос» сярысь, кудъёсыз сое уйылыса-улляса возизы. Но тае мукет адямиос сярысь но вераны луэ. Кылсярысь, туннэ куд-огъёсыз уг оско, ваньзэ Инмар кылдытӥз шуыса (Рим. 1:20). Мукетъёсыз оско, кыӵе ке но кужым вань шуыса. Но сыӵе оскон Иеговаез уг шумпотты.

Ми юн оскыны кулэ, Иегова зэм но вань но юн осконэн улӥсьёсты со бакель каре шуыса (Евр. 11:6). Оскон святой духлэн емышез пӧлы пыре. Нош святой духез басьтон понна, милемлы сое Иеговалэсь куроно (Лука 11:9, 10, 13). Озьы ик со понна Библиез лыдӟоно, кудӥз Инмарлэн духезлэн валтэмез улсын гожтэмын вал. Собере лыдӟеммы вылын малпаськоно но улонамы пыртоно. Соку Иеговалэн духез юрттоз милемлы юн осконэз будэтыны но Инмарез шумпоттыса улыны.