ПАЙДАЁ ВИЗЬ-КЕНЕШЪЁС

Тодады вае валтӥсь малпанъёсты

Секыт-а тӥледлы тодады вайыны сое, мае тӥ алигес эскериды? Куддыръя ваньмылы секыт луэ. Соку мар кароно? Тодамы ваёно валтӥсь малпанъёсты.

Эскерон ортчытыкуды, дырын-дырын дугдылэ но малпаське со сярысь, мае тӥ али гинэ лыдӟиды. Ӵапак озьы карыны ӧтиз апостол Павел агайёсты но сузэръёсты. Со гожтӥз: «Веранысьтымы ваньмызлэсь вылӥез-дуноез луэ со» (Евр. 8:1). Озьы Павел лыдӟисьёсызлы валаны юрттӥз, мар сярысь солэн верамез потэ вал но кызьы солэн малпанъёсыз ог-огенызы герӟаськемын.

Озьы ик тӥ быгатӥськоды эскерондылэн пумаз 10 минут висъяны, валтӥсь малпанъёс вылын малпаськон понна. Тӥ соосты тодады вайыны уд ке быгатӥське, учке подзаголовокъёсты яке валтӥсь предложениосты (ӵем дыръя соос абзацлэн кутсконаз гожтэмын). Мае ке выльзэ тодӥды ке, тырше сое ас кылъёсыныды валэктыны. Валтӥсь малпанъёсты тодады вайылыса, соос тӥляд йырады кылёзы, озьы ик тӥ умойгес валалоды, кызьы соосты улонады пыртоно.