Куд-ог азьпалзэ ивортонъёс, кудъёсыз сярысь та схемаын вераське, одӥг дыре быдэсмо. Ваньмыз та возьматэ, ми «берпуметӥ дыръёсы» улӥськомы шуыса (Дан. 12:4).

• Кылбуръёс Усьт. 11:7; 12:13, 17; 13:1—8, 12

  Азьпалзэ ивортон Пӧйшур музъемен кӧня ке сюрс аръёс кивалтэ. Берпуметӥ дыръёсы солэн сизьыметӥ йырыз сӧсыртэмын вал. Берлогес йырысьтыз яраез бурмиз но «быдэс дунне... лобась кыйлы йыбырттӥз». Шайтан пӧйшурез кутэ, кидыс-выжы пӧлысь кылемъёсыныз ожмаськон понна.

  Быдэсмонэз Ву тудӟон бере адямиос кылдытӥзы кивалтэтъёс, кудъёсыз Иеговалы пумитъяськизы. Трос дауръёс ортчыса, Нырысетӥ дунневыл ож дыръя, Великобритания кужымзэ ыштӥз. Со выльысь кужмо луиз, куке Огазеяськем Штатъёсын кусып возьыны кутскиз. Берпуметӥ дыръёсы Шайтан, музъем вылысь вань кивалтэтъёсты кутыса, Инмарлэсь калыксэ уйылэ-улля.

• Кылбуръёс Дан. 11:25—45

  Азьпалзэ ивортон Берпуметӥ дыръёсы уйпал но лымшор эксэйёслэн ог-огзылы пумитъяськемзы.

  Быдэсмонэз Англо-Американской дунневыл держава но Германия ог-огзылы пумитъясько. 1945-тӥ арын СССР но со пала кариськисьёс уйпал эксэй луо. 1991-тӥ арын СССР куашка, но берлогес Россия но со пала кариськисьёс уйпал эксэй луо.

• Кылбуръёс Ис. 61:1; Мал. 3:1; Лука 4:18

  Азьпалзэ ивортон Иегова ыстэ «Кылчинэз», яке ивортӥсез, кудӥз Мессия Эксэйлыкез кылдытон азьын сюрес дасяны кулэ. Та ивортӥсь «куанеръёслы [«зӥбыт-востэмъёслы», ВД] ӟеч ивор вераны» кутске.

  Быдэсмонэз 1870-тӥ арысен Ч. Т. Расселл но солэн эшъёсыз Библиез пыр-поч эскеро но валаны тыршо, малы со зэмзэ ик дышетэ. 1881-тӥ арын соос валазы, Инмарлэн ужась-тыршисьёсыз тодытыны кулэ шуыса. Печатласько таӵе статьяос: «Кулэ 1 000 тодытӥсьёс» но «Тодытыны зырӟемын».

• Кылбуръёс Матф. 13:24—30, 36—43

  Азьпалзэ ивортон Тушмон чабей пӧлы букро, яке жуг-жаг, кизе. Со будэ, но соин сэрен чабей уг адӟиськы. Аран вакыт дыръя букроез чабейлэсь люко.

  Быдэсмонэз 1870-тӥ арысен зэмос христианъёслэн но зэмос луисьтэм христианъёслэн пӧртэмлыксы умойгес адӟиське. Берпуметӥ дыръёсы зэмос христианъёсты кенешъёсы люкало но соосты зэмос луисьтэм христианъёслэсь люко.

• Кылбуръёс Дан. 2:31—33, 41—43

  Азьпалзэ ивортон Пӧртэм кортъёслэсь сульдэр, кудӥзлэн пыдъёсыз кортлэсь но горд сюйлэсь лэсьтэмын.

  Быдэсмонэз Горд сюй возьматэ Великобританиын но Огазеяськем Штатъёсын улӥсь огшоры адямиосты, кудъёсыз кивалтэтсылы пумитъясько. Соин сэрен Англо-Американской дунневыл держава, вань кужымзэ поныса, кивалтыны уг быгаты.

• Кылбуръёс Матф. 13:30; 24:14, 45; 28:19, 20

  Азьпалзэ ивортон Чабеез кеносэ люкало; оскымон но визьмо ляльчи медоосты чакланы пуктэмын. Эксэйлык сярысь ӟеч иворез быдэс дунне вылын тодытыны кутско.

  Быдэсмонэз 1919-тӥ арын оскымон ляльчи пуктэмын, Инмарлэн калыкез сярысь сюлмаськон понна. Со дырысен Библиез эскерисьёс тодытон уже тросгес пырисько. Туннэ Иеговалэн Адӟись-Ивортӥсьёсыз 200-лэсь но тросгес шаеръёсын тодыто но Библия вылэ пыкиськыса гожтэм публикациосты 1 000-лэсь но тросгес кылъёсын потто.

• Кылбуръёс Дан. 12:11; Усьт. 13:11, 14, 15

  Азьпалзэ ивортон Кык сюро пӧйшур музъем вылын улӥсьёслы вера, соос сизьым йыро пӧйшурлэсь тусбуйзэ-суредзэ мед лэсьтозы шуыса, но та тусбуйлы-суредлы дух понэ, яке сое улӟытэ.

  Быдэсмонэз Англо-Американской дунневыл держава Нациослэсь Лигазэс кылдытыны кутске. Озьы ик отчы мукет шаеръёс пырисько. Нациослэн Лигаязы уйпал эксэй но пыре, нош кӧня ке аръёслы гинэ — 1926-тӥ арысен 1933-тӥ арозь. Адямиос оско, Нациослэн Лигазы но сое воштӥсь ООН быдэс дунне вылэ тупаса улон вайыны быгатозы шуыса, нош сое Инмарлэн Эксэйлыкез гинэ лэсьтыны быгатэ.

• Кылбуръёс Дан. 8:23, 24

  Азьпалзэ ивортон «Возьыттэм, лек, кескич эксэй... паймымон куашкатонъёс» лэсьтэ.

  Быдэсмонэз Англо-Американской дунневыл держава трос адямиосты быдтэ но бадӟым куашкатонъёс вае. Кылсярысь, Кыкетӥ дунневыл ож дыръя Огазеяськем Штатъёс кык атомной бомбаос кушто одӥгез шаер вылэ, кудӥз Англо-Американской дунневыл державалы пумит ожмаськиз. Азьвыл дырен ӵошатыса, таиз ожтӥрлык тужгес но бадӟым куашкатонъёс вайиз.

• Кылбуръёс Дан. 11:31, ВД; Усьт. 17:3, 7—11

  Азьпалзэ ивортон Дас сюро нап-горд пӧйшур пыдэстэм дуннеысь потэ. Та тямысэтӥез эксэй. Данииллэн книгаяз со ваньзэ быдтӥсь «юрӟым маке» шуыса нимаське.

  Быдэсмонэз Кыкетӥ дунневыл ож дыръя Нациослэн Лигазы ужамысь дугдӥз. Ож бере сое воштӥз ООН. Калыкъёс ООН-лы Нациослэн Лигазылы кадь ик оскисько, но соос уг валало, быдэс дунне вылэ тупаса улон вайыны Инмарлэн Эксэйлыкез гинэ быгатэ шуыса. Азьланяз кивалтэтъёс, кудъёсыз ООН пала карисько, религиос вылэ урдскозы.

• Кылбуръёс 1 Фес. 5:3; Усьт. 17:16

  Азьпалзэ ивортон «Тупаса улон, кышкатэк улон» шуыса верало. Дас сюръёс но пӧйшур азыса-калгыса улӥсь кышномурт вылэ урдско но сое таркало. Собере калыкъёсты быдто.

  Быдэсмонэз Калыкъёс верало, соос тупаса но кышкатэк улон вайыны быгатӥзы шуыса. Собере калыкъёс, кудъёсыз ООН пала карисько, зэмос луисьтэм религиосты быдто. Озьы кутске бадӟым куректон. Со йылпумъяськоз, куке Шайтанлэн дуннеез Армагеддонын быдтэмын луоз.

• Кылбуръёс Иез. 38:11, 14—17; Матф. 24:31

  Азьпалзэ ивортон Гог пыре Инмарлэн калыкезлэн музъемаз. Собере кылчинъёс быръемъёсты люкало.

  Быдэсмонэз Уйпал эксэй мукет кивалтэтъёсын ӵош Инмарлэн калыкез вылэ урдске. Та урдскон бере кӧня ке дыр ортчыса, зырӟем христианъёс пӧлысь кылемъёсыз инме басьтэмын луозы.

• Кылбуръёс Иез. 38:18—23; Дан. 2:34, 35, 44, 45; Усьт. 6:2; 16:14, 16; 17:14; 19:20

  Азьпалзэ ивортон Тӧдьы вал вылын ворттӥсь ворме Гогез но солэсь ожгарчиоссэ. Пӧйшур ӝуась тыэ куштэмын; туж бадӟым сульдэр куашкатэмын.

  Быдэсмонэз Иисус, Инмар Эксэйлыкын кивалтӥсь Эксэй, Иеговалэсь калыксэ уте. 144 000 кивалтӥсьёсыныз но кылчинъёсыныз ӵош со калыкъёслэсь огазеяськонзэс быдтэ. Шайтанлэн дуннеезлы пум вуэ.