1, 2. а) Кызьы милемлы учконо арлыдо вын-агайёсмы но сузэр-апайёсмы шоры, Мадёнъёсты 16:31 лыдэ басьтыса? б) Кыӵе юанъёслы валэктонъёс ми шедьтомы та статьяын?

 ОГАЗЕЯСЬКЕМ Штатъёсын (Арканзас штат) вань одӥг парк. Отысь шедьтыны луэ алмазъёсты. Та дуно изъёс музъем вылын ик кыллё, нош соос сузямын ӧвӧл. Соин ик тросэз соос шоры учко но вӧзтӥзы ортчо, малы ке шуоно уг но валало, соос азьын дуно из кылле шуыса!

² Инмарлы оскымон арлыдо вын-агайёсты но сузэр-апайёсты ӵошатыны луоз сыӵе алмазъёсын. Соос зэмзэ ик дуноесь! Инмарлэн Кылаз пурысьтам йырси ӵошатӥське туж чебер венец изьыен. (Лыдӟе Мадёнъёсты 16:31; 20:29.) Озьы ке но арлыдоосты котьку ик уг дунъяло. Нош ми дышетскимы ке адӟыны соослэсь зэмос чеберлыксэс, соку шедьтомы дуно «алмазэс», кудӥз котькыӵе ваньбурлэсь трослы дуногес луэ. Нош со понна ойдолэ эскеромы куинь юанъёсты: 1) Малы Иегова аслэсьтыз арлыдо ужась-тыршисьёссэ дуноен лыдъя? 2) Кыӵе инты со соослы висъяз аслаз организацияз? 3) Мар милемлы кароно, арлыдоослэсь дышетскон понна?

3. Малы Иеговалы дуно пото арлыдо оскымон ужась-тыршисьёсыз? (Псалтирь 91:13—16).

³ Иегова аслэсьтыз оскымон арлыдо ужась-тыршисьёссэ дуноен лыдъя. Со соосты умой тодэ но соослэсь ӟеч сямъёссэс дунъя. Солы кельше, куке арлыдоос егитъёсты дышето визьлыклы, кудзэ соос улонзы ӵоже люказы (Иов 12:12; Мад. 1:1—4). Озьы ик Иегова туж дунъя соослэсь юн луэмзэс (Мал. 3:16). Соослэн улонзы капчи ӧй вал ке но, соос Иеговалы  оскемысь ӧз дугдэ. Соослэн азьпал улонлы осконзы эшшо но юнмаз. Озьы ик Иегова яратэ соосты, малы ке шуоно пересьмыса но соос мукетъёсызлы солэн нимыз сярысь верало. (Лыдӟе Псалтирез 91:13—16.)

4. Кыӵе малпанъёс буйгатыны быгато арлыдо вын-агайёсмес но сузэр-апайёсмес?

⁴ Дуно арлыдо вын-агайёс но сузэр-апайёс, юн оске: Иегова тодаз возе ваньзэ, мае тӥ со понна лэсьтӥды! (Евр. 6:10). Тӥляд тодытон ужез яратэмды Инмысь Атайдэс шумпоттэ. Улонды ӵоже тӥ трос шуг-секытъёсын пумиськылӥды, но тӥ быгатӥды соосты вормыны. Вань та аръёс ӵоже тӥ Библиысь шонерлыко курон-косонъёслэсь кылзӥськиды, кенешын кулэ луись ужъёсты быдэсъяды но мукетъёссэ дышетӥды. Тӥ котьку но тыршиды дышыны воштӥськонъёслы, кудъёсыз Иеговалэн организацияз вал. Озьы ик тӥ юрттӥды вань дырзэс сётыса ужась-тыршисьёслы. Инмармы туж яратэ тӥледыз оскымон луэмды понна но кылзэ сётэ, «Аслэсьтыз дун-чылкыт улӥсьёссэ» уз кушты шуыса (Пс. 36:28). Иегова тӥледлы таӵе кылъёсын вазиське: «Пурысьтатозяды Мон тӥледыз нулло» (Ис. 46:4). Соин ик эн малпалэ, бадӟым арлыдды сэрен тӥ Иеговалы дуно уд потӥське ини шуыса. Тӥ туж дуноесь!

5. Мар сярысь тодазы возёно арлыдо вын-агайёслы но сузэр-апайёслы?

⁵ Арлыдо вын-агайёс но сузэр-апайёс Иеговалэн организацияз трос лэсьтыны быгато. Зэм, азьло кадь ик соос кужмоесь ӧвӧл ини, нош соослэн вань визьлыксы но быгатонлыкъёссы, кудъёссэ соос трос аръёс ӵоже люказы. Иегова соослы азьло сямен ик пӧртэм ужъёс оске. Тае возьмато вашкала дыръёсысь но асьме нуналъёсы улӥсь ужась-тыршисьёслэн учыръёссы.

6, 7. Вералэ Библиысь Иеговалэн арлыдо ужась-тыршисьёсыз сярысь, кудъёссэ со оскымон луэмзы понна бакель кариз.

⁶ Библиын вераське Иеговалы оскымон трос ужась-тыршисьёс сярысь, кудъёсыз пересьмыса но солэсь курон-косонъёссэ быдэсъязы. Кылсярысь, куке Иегова Израиль калыклы Моисеез кивалтӥсь но пророк карыса пуктӥз, солы ог 80 арес вал. Нош Данииллы  90 ареслэсь но тросгес вал, куке солы Иеговалэн нимыныз вераны оскемын вал. Тамындагес ик арес вал апостол Иоаннлы но, куке Иегова солы аслэсьтыз духсэ сётӥз Усьтӥськон книгаез гожтыны.

⁷ Иеговалэн тросэз оскымон ужась-тыршисьёсыз туж ик тодмоесь ӧвӧл. Библиез лыдӟисьёс соосты адӟытэк но кельтозы, нош Иегова соосты ӧз вунэты но оскымон луэмзы понна бакель кариз. Кылсярысь, Библиын одӥг пол гинэ вераське Симеон сярысь, кудӥз «шонер улӥсь» но Инмарлы оскись адями вал (Лука 2:22, 25—35). Озьы ке но Иегова сое умой тодӥз но солы дан сётӥз пичи Иисусэз адӟыны, озьы ик со сярысь но солэн анаез сярысь азьпалзэ ивортыса вераны. Со сяна, тодамы ваёмы Аннаез, кудӥз азьпалзэ ивортӥсь вал. Со 84 аресъем палкышно вал но «храм дорысь кошкылытэк» улӥз. Туала кылъёсын вераса, Анна кенешлэсь пумиськонъёссэ ноку но ӧз кельтылы. Со понна Иегова сое бакель кариз — со пичи Иисусэз адӟиз. Веранэз ӧвӧл, Симеон но, Анна но Иегова понна туж дуноесь вал (Лука 2:36—38).

8, 9. Кыӵе адӟем карон возьматыны быгато палкышноос вын-агайёслы но сузэр-апайёслы?

⁸ Асьме нуналъёсы тросэз арлыдо вын-агайёс но сузэр-апайёс егитъёслы умой адӟем карон возьмато. Тани Лоис Дидур сузэрлэн учырез. 21 арес дыръяз ини со Канадаын нимысьтыз пионер луыса ужаны-тыршыны кутскиз. Собере соос Джон картэныз ӵош трос аръёс ӵоже мыныса-ветлыса ужазы-тыршизы. Берлогес соос 20 арлэсь но кемагес Канадаысь Вефильын ужазы-тыршизы. Куке Лоислы 58 арес вал, соослы Джонэн ӵектӥзы Украинае мыныны. Кызьы соос та шоры учкизы? Таӵе арлыдын мукет шаере кошкыны котькудӥз уз дӥсьты, нош соос шумпотыса соглаш кариськизы. Джон Украинаысь филиаллэн комитетаз ужаны-тыршыны кутскиз. Но жаляса верано луэ, 7 ар ортчыса, со кулӥз. Нош Лоис ужпум кутӥз та филиалын ужан-тыршонзэ азьланьтыны. Али солы 81 арес. Со азьло сямен ик трос лэсьтэ Иегова понна, нош Вефильысь быдэс семья сое туж яратэ.

⁹ Зэм но, Лоис кадь сузэръёсты картъёссы кулэм бере трос калык пӧлын сокем ӵем уд адӟы ни. Нош со уг возьматы, соос дуно «алмазъёс» луэмысь дугдӥзы шуыса. Иегова та сузэръёслы туж тау каре, соос трос аръёс ӵоже картъёссылы юрттӥськизы но азьло сямен ик оскымон кылё шуыса (1 Тим. 5:3). Со сяна, та сузэръёс егитъёслы зэмос юрттэт сётыны быгато.

10. Кыӵе адӟем карон возьматэ милемлы Тони агай?

¹⁰ Озьы ик ми дунъяськомы со вын-агайёсты но сузэр-апайёсты, кудъёсыз бадӟым арлыдзы сэрен дорысьтызы потаны уг быгато ни. Эскеромы Огазеяськем Штатъёсысь Тони нимо агайлэсь учырзэ, кудӥз али арлыдоослэн юртазы улэ. Со пылатӥськиз 1942-тӥ арын гудырикошконэ, куке солы 20 арес вал. Нокин пала кариськытэк улэмез  понна ӝоген сое кык но ӝыны арлы пытсэтэ пуктӥзы. Тони но солэн Хильда кышноез кык пиналъёссэс зэмлыкын будэтӥзы. Та аръёс ӵоже Тони куинь кенешъёслэн валтӥсь чакласьсы луыса ужаз-тыршиз (соку озьы нимаське вал тӧроослэн кенешсылэсь ужзэ радъясь). Озьы ик со аслаз ужан-тыршон ёросаз конгресслэн чакласез вал. Со сяна, одӥгаз пытсэтын со кенешлэсь пумиськонъёссэ ортчытъяз но отын пукисьёсын Библиез дышетӥз. Али Тонилы 98 арес, но со тэк пукыны уг малпа. Со азьло сямен ик Иеговалы ужан-тыршонын лэсьтэ ваньзэ, мае быгатэ. Озьы ик аслаз кенешысьтыз вын-агайёсын но сузэр-апайёсын ӵош ужан-тыршонэ пыриське.

11. Кызьы ми гажанмес возьматыны быгатӥськомы арлыдоослы, кудъёссэ ялан утялтыны кулэ?

¹¹ Кызьы ми гажанмес возьматыны быгатомы арлыдоослы, кудъёссэ ялан утялтыны кулэ? Тӧроос юртто сыӵе вын-агайёслы но сузэр-апайёслы ужан-тыршонэ пыриськыны, кенешлэн пумиськонъёсаз ветлыны яке программаез кылзыны. Нош ми быгатӥськомы соос доры ветлыны яке соосын интернет пыр вераськыны. Нимысьтыз саклык висъяны кулэ соослы, кинъёс кенешлэсь палэнын уло, кылсярысь, Адӟись-Ивортӥсь луисьтэм ӵыжы-выжыоссы дорын яке арлыдоослэн юртазы. Озьы ӧм лэсьтэ ке, соос сярысь вунэтыны быгатомы. Куд-ог арлыдоос асьсэ сярысь вераны дышемын ӧвӧл яке возьдасько. Нош соосын вераськон понна, ми дырмес ӧм жалялэ ке но соосты тодазы вайыны куримы ке со аръёс сярысь, кудъёссэ соос Иеговалы ужаса-тыршыса ортчытӥзы, ми асьмелы трос пайда шедьтомы.

12. Мае тӥ тододы, кенешысьтыды арлыдо вын-агайёсын но сузэр-апайёсын матэгес тодматскиды ке?

¹² Кенешысьтыды арлыдо вын-агайёсын но сузэр-апайёсын матэгес тодматскиды ке, тӥ паймоды, дыр, макем юн осконзэс соос возьматӥзы асьсэлэн улонзы ӵоже. Кылсярысь, Харриетт сузэр пылатӥськиз 1920-тӥ аръёсы но трос дасо аръёс ӵоже ужаз-тыршиз аслаз кенешаз Нью-Джерси штатын (Огазеяськем Штатъёс). Собере со улыны кошкиз нылыз доры. Выль кенешысьтыз вын-агайёс дыр висъязы, соин матэгес тодматскон понна, но валазы, Харриетт туж дуно марӟан шуыса. Соосты паймытӥзы учыръёс, кудъёсыз соин луизы пылатӥськемез берегес ик. Ужаны-тыршыны мыныкуз, со котьку но сьӧраз пинь сузян щётказэ басьтэ вал, малы ке шуоно сое кӧня ке дырлы пытсэтэ пуктыны быгатӥзы. Озьы ик луиз: 1933-тӥ арын сое кык пол одӥг арнялы пытсэтэ пуктылӥзы. Солэн картэз Адӟись-Ивортӥсь ӧй вал. Но куке Харриетт пытсэтын пукиз, картэз солы юрттӥськиз но куинь нылпиоссы сярысь сюлмаськиз. Веранэз ӧвӧл, Харриетт кадь Инмарлы оскымон арлыдо вын-агайёс но сузэр-апайёс туж дуноесь луо!

13. Кыӵе инты Иегова висъяз арлыдо ужась-тыршисьёсызлы христиан кенешын?

¹³ Иегова аслаз арлыдо ужась-тыршисьёсызлы христиан кенешын бадӟым инты висъяз. Асьсэлэн улонзы ӵоже соос трос пол адӟизы, кызьы Иегова бакель каре аслэсьтыз организацизэ но, соосты асьсэды но. Соослэн улоназы янгышъёс но вал, нош соос дышетскизы соос вылын. Арлыдо вын-агайёс но сузэр-апайёс шоры учке «визьлыклэн ошмесэз» шоры кадь но дышетске соослэсь (Мад. 18:4). Соосын матэгес тодматскыса, тӥ оскондэс юнматоды но тросэзлы дышетскоды.

14. Мар карыны мылкыдзэс ӝуто егитъёслэсь Кыкетӥ Законысь 32:7 кылъёс?

¹⁴ Арлыдо вын-агайёсын но сузэр-апайёсын асьтэос вераськыны кутске. (Лыдӟе Кыкетӥ Законэз 32:7.) Зэм но, соос туж ик  умой уг адӟо ни, туж ик ӝог уг ветло ни, куаразы но туж ик жингрес ӧвӧл ни, нош соослэн сюлэмзы азьло кадь ик егит. Озьы ик Иегова азьын соос ӟеч ним басьтӥзы (Екк. 7:1). Тодады возе, малы Иегова соосты дуноен лыдъя. Гажалэ соосты. Тӥляд Елисейлэн кадь мылкыдды мед луоз. Со пумит луиз Илия пророкез кельтыны ужан-тыршонзылэн берпуметӥ нуналаз. Елисей куинь пол вераз: «Мон тонэ огнаддэ уг кельты» (4 Экс. 2:2, 4, 6).

15. Мар сярысь юаны луоз арлыдо вын-агайёслэсь но сузэр-апайёслэсь?

¹⁵ Лякытэн но гажаса юалляське арлыдоослэсь соослэн улонзы сярысь (Мад. 1:5; 20:5; 1 Тим. 5:1, 2). Тӥ юаны быгатоды: «Кызьы тон валад, зэмлыкез шедьтӥд шуыса? Улонысьтыд кыӵе учыръёс тонэ Иеговаен матэгес каризы? Мар юрттӥз тыныд вань та аръёс ӵоже шумпотыса ужаны-тыршыны?» (1 Тим. 6:6—8). Собере соосты сак кылзэ.

16. Кыӵе пайда вае арлыдоослы но егитъёслы ог-огенызы вераськемзы?

¹⁶ Куке арлыдоос егитъёсын верасько, со пайда вае соосызлы но, таосызлы но (Рим. 1:12). Егитъёс эшшо но умойгес валало, Иегова аслаз оскымон ужась-тыршисьёсыз сярысь сюлмаське шуыса. Нош арлыдоос шӧдо, соосты ярато но дунъяло шуыса. Со сяна, соослы кельше мукетъёслы вераны, кызьы Иегова соосты бакель карылӥз оскымон луэмзы понна.

17. Малы арлыдо вын-агайёсмы но сузэр-апайёсмы арысь аре чебересьгес но чебересьгес луо?

¹⁷ Аръёс ортчыса, адямилэн чеберез быре. Нош Иеговалэн син азяз соос, кинъёс солы оскымон луо, арысь аре чебересьгес но чебересьгес луо (1 Фес. 1:2, 3). Малы со озьы луэ? Малы ке шуоно та христианъёс трос аръёс ӵоже Инмарлэн духезлы лэзизы соосты тупатыны но ӟеч сямъёссэс будэтыны. Макем умойгес ми тодматскомы арлыдо вын-агайёсын но сузэр-апайёсын но дышетскомы соослэсь, сокем умойгес адӟомы, кыӵе соос дуноесь но гажамонэсь луо!

18. Мае ми эскеромы вуоно статьяын?

¹⁸ Кенеш юн мед луоз шуыса, егитъёслы арлыдо вын-агайёсты но сузэр-апайёсты дунъяны кулэ. Озьы ик арлыдо христианъёслы но егитъёсты дунъяны кулэ. Вуоно статьяын ми вераськомы, кызьы арлыдоос возьматыны быгато, кенешысь егитъёсты дунъяло шуыса.