Сак лыдӟиды-а тӥ та арын поттэм «Возьмаськон башняез»? Быгатоды-а тӥ та юанъёслы валэктонъёс сётыны?

Мар кароно, малпаськон амалмес выльдон понна? (Рим. 12:2).

Ӟеч ужъёс лэсьтыны гинэ тырмыт ӧвӧл. Милемлы ялан чаклано но эскероно, кыӵе сюлэммы. Озьы ик котьку дась луоно воштӥськыны, Иеговалэн курон-косонъёсызъя улон понна (w23.01 8—9 б.).

Мае тодамы возёно, дуннеысь югдуръёсты чакласа?

Милемлы тунсыко чакланы дуннеысь югдуръёсты, малы ке шуоно соос Библиысь азьпалзэ ивортонъёслэсь быдэсмемзэс возьмато. Кенешын огкылысь улон медаз сӧриськы шуыса, мукетъёсыныз вераськыкумы, верано ӧвӧл сое, мае ми асьмеос малпаськомы азьпалзэ ивортонъёс сярысь, нош сое гинэ, мар гожтэмын публикациосамы (1 Кор. 1:10) (w23.02 16 б.).

Маин пӧртэм луо Иисуслэн но дышетскисьёсызлэн пылатӥськемзы?

Пылатӥськеммылэсь азьло милемлы Инмарлы сӥзиськыны но сьӧлыкъёсмы понна ӧпкельыны кулэ. Нош Иисуслы аслэсьтыз улонзэ Иеговалы сӥзёно ӧй вал, малы ке шуоно со вордӥськиз калыкын, кудӥз Инмарлы сӥземын вал. Солы сьӧлыкъёсыз понна ӧпкелёно ӧй вал, малы ке шуоно со тырбыдэс, сьӧлыктэм адями вал (w23.03 5 б.).

Мар карыны луэ, тросгес вын-агайёс но сузэр-апайёс пумиськонын эскеронэ пыриськыны мед быгатозы шуыса?

Ми вакчиесь валэктонъёс сётъямы ке но трос малпанъёсты ӧм вералэ ке, тросгес вын-агайёс но сузэр-апайёс пумиськонын эскеронэ пыриськыны быгатозы (w23.04 23 б.).

Кыӵе «дун-шектэм сюрес» сярысь вераське Исаиялэн 35:8?

Отын вераське еврейёслэн Вавилонысь бертэмзы сярысь. Туннэ но Инмарлэн калыкез «дун-шектэм сюрес» вылтӥ мынэ, кудӥз выль дуннее нуэ. Та сюрес усьтӥськиз 1919-тӥ арын. Солэсь азьло кӧня ке дауръёс ӵоже дасяськон ужъёс нуиськизы. Кылсярысь, отчы пыро Библиез берыктон но печатлан ужъёс (w23.05 15—19 б.).

Кыӵе кык «кышномуртъёс» сярысь вераське Мадёнъёсын книгаысь 9-тӥ люкетын?

Мадёнъёсын вераське «визьзэ ыштэм... кышномурт» сярысь. Соос, кинъёс солэн ӧтёнэзлы вазисько, быронэ мыно. Мукетыз кышномурт — «визьлык». Со ӵектэ «визьнодо улонлэн сюрес вылтӥз» мыныны, кудӥз улонэ нуэ (Мад. 9:1, 6, 13, 18) (w23.06 22—24 б.).

Кызьы Инмар зӥбыт-востэм но валась луэмзэ возьматӥз, куке Лот солы куронэн вазиськиз?

Иегова Лотэз косӥз, Содомысь кошкыса, гурезьёсы пегӟыны. Куке Лот Иеговаез куриз лэзьыны солы Сӥгоре кошкыны, Инмар куронзэ быдэстӥз (w23.07 21 б.).

Мар карыны быгатэ кышно, картэз порнографиез учке ке?

Солы ассэ янгыше уськытоно ӧвӧл. Со интые, Инмарен кусыпъёссэ юнматоно но вашкала дыръя улэм кышномуртъёс сярысь малпаськоно, кудъёссэ Инмар буйгатылӥз. Со быгатэ картэзлы юрттыны палэнскыны учыръёслэсь, кудъёсыз порнографиез учкон мылкыдзэ ӝуатыны быгато (w23.08 14—17 б.).

Кызьы югдурез валан юрттоз милемлы лякытэн вераськыны соин, кин вера, осконмы шонертэм шуыса?

Малпаське, кызьы адямилэн кылъёсыз валаны юртто, мар сое зэмзэ ик сюлмаськытэ. Со юрттоз милемлы асьмеды лякытэн возьыны (w23.09 17 б.).

Малы милемыз дышетэ со, кытысь Мария кужым басьтӥз?

Мария тодӥз, Мессиялэн анаез луоз шуыса. Та уж капчи ӧй вал. Сое быдэстон понна, Мария мукетъёсызлэсь юрттэтсэс утчаз. Гавриил кылчин но Елисавета Иеговалы осконзэ юнматӥзы. Милемлы но вын-агайёс но сузэр-апайёс юрттыны быгато (w23.10 15 б.).

Кызьы Иегова вӧсяськонъёсмылы ответ сётэ?

Иегова кылзэ сётэ вӧсяськонъёсмес кылзыны. Ответ сётыкуз, Инмар лыдэ басьтэ, кызьы милям куронъёсмы герӟаськемын соин, мар со малпаз музъем но адямиос понна (Иер. 29:12). Одӥг кадь вӧсяськонъёслы Иегова пӧртэм ответ сётыны быгатэ, но со одно ик милемлы юрттоз (w23.11 21—22 б.).

Римъёслы 5:2 вераське, христианъёслэн оскиськонзы вань шуыса. Соку малы Римъёслы 5:4 Павел нош ик вера оскиськон сярысь?

Ӟеч иворез кылэмез бере адями оскиськыны кутске пырак дауръёс ӵоже рай музъем вылын улыны. Нош, шуг-секытъёс пыр потыкуз, со адӟе ке, Инмарлы ярамон луэ шуыса, солэн оскиськонэз юнма но со солы эшшо но дуногес потэ (w23.12 12—13 б.).