СЕКЫТ-А тӥледлы котькуд арняе ас поннады Библиез эскерыны но солэсь шумпотон басьтыны? Котькудмылы куддыръя секыт луэ. Но малпаське мукет ужъёс сярысь, кудъёссэ ми ялан лэсьтӥськомы, кылсярысь, мугорез миськон сярысь. Со понна дыр висъяно но тыршоно ке но, макем умой ми асьмеды собере шӧдӥськомы! Ӵапак озьы ик Библиез эскерон но милемыз чылкытатыны быгатэ (Еф. 5:26). Тани куд-ог вамышъёс, кудъёсыз милемлы юрттозы арнялы быдэ ас поннамы Библиез эскерыны.

• Азьло ик малпалэ, ку эскерон ортчытоды. Ас поннады Библиез эскерыса, тӥ ӟечсэ бырйиськоды. Сое вань христианъёслы лэсьтоно (Флп. 1:10). Тупась дыр быръе, сое бумага вылэ гожтэ но адӟиськись интые оше, кылсярысь, холодильник вылэ. Яке телефонады тодэ вайытон пуктэ.

• Малпаське, кӧня дыр ӵоже но макем ӵем тӥ ас поннады Библиез эскероды. Кинлы ке но кельше кема дыр ӵоже эскерыны, кинлы ке но — ӧжытгес но ӵемгес. Малпаське, кызьы кельше тӥледлы. Нош мар кароно, эскерон дыр вуиз ке, нош эскерыны мылкыдды ӧвӧл? Тырше 10 минут ке но мае ке эскерыны. Тӥ адӟоды, со бадӟым пайда ваёз шуыса. Оло нош, тӥляд мылкыдды ӝутскоз собере эшшо мае ке эскерыны (Флп. 2:13).

• Азьло ик малпалэ, мае эскероды. Тӥ малпаськоды ке, мае эскерыны эскерон дыръя, тӥ дырдэс визьмо уд кутӥське (Еф. 5:16). Тырше азьло ик гожъяны, кыӵе статьяосты яке юанъёсты тӥляд мургес эскеремды потэ. Кылсярысь, кыӵе ке юанды кылдӥз ке, сое соку ик гожтэ. Со сяна, котькуд эскеронлэн пумаз тӥляд кылдозы, вылды, юанъёсты, кудъёссэ тӥляд эскеремды потоз.

• Кулэ ке, мае ке воштэ. Валтӥсез — котькуд арняе эскерыны. Кулэ ке, тӥ быгатӥськоды мае ке воштыны. Кылсярысь, луэ мукет нуналэ но мукет юанэз эскерыны.

Ми котькуд арняе ас поннамы Библиез эскеримы ке, одно ик бакель каронъёс басьтомы. Милям Иеговаен кусыпъёсмы юнмалозы, ми асьмеды визьмо возёмы но юнматскомы (Иис. Н. 1:8).