Потэ-а тӥляд, ас поннады Библиез эскерон тросгес пайда мед ваёз шуыса? Соку быръе сыӵе инты, кытын малпаськыны капчигес луоз. Тани куд-ог визь-кенешъёс:

• Умой инты быръе. Луэ ке, чылкыт но югыт инты шедьтэ. Ӝӧк сьӧры пуксе яке кырын умой инты шедьтэ.

• Шедьтэ инты, кытын тӥ огнады луоды. Иисус «вазь ӵукна ик», «калыктэм интые кошкыса», вӧсяське вал (Марк 1:35). Огнады кылемды уг луы ке, вералэ семьядылы яке соослы, кинэн тӥ улӥськоды, ку тӥ эскерон ортчытоды, но куре, соос тӥледлы медаз люкетэ шуыса.

• Тырше, номыр медаз люкеты шуыса. Эскерон ортчытыкуды, тӥ телефондэс яке планшеттэс уже кутӥськоды ке, пуктэ сое сыӵе режиме, со тӥледлы медаз люкеты шуыса. Эскерон дыръя кулэ луись ужды тодады лыктӥз ке, со сярысь медад вунэтэ шуыса, сое гожтэ но берло лэсьтэ. Нош малпаськыны секыт луиз ке, шутэтскон понна вис лэсьтэ.