КУЗПАЛЪЁСЛЫ
3-тӥ визь-кенеш. Ог-огдэс гажалэ
МАЕ СО ВОЗЬМАТЭ
Ог-огзэс гажась кузпалъёс, соослэн мар ке пумысен малпанъёссы пӧртэм луо ке но, ог-огзылы яратэмзэс возьмато. Одӥг книгаын верамын: «Сыӵе кузпалъёс котькыӵе учырын огкыл шедьтыны тыршо. Соос кенешо ог-огенызы, ог-огзэс гажаса кылзо но кылдэм шуг-секытсэс огкылысь сэрттыны-пертчыны тыршо» (Ten Lessons to Transform Your Marriage).
БИБЛИЫСЬ ВИЗЬ-КЕНЕШ: «Яратон... аслыз пайда уг утча» (1 Коринфъёслы 13:5).
«Карт кышнозэ гажа, куке дунъя сое но уг лэсьты сое, мар кышноезлы яке кусыпъёссылы изъян вайысал» (Майк).
МАЛЫ СО КУЛЭ
Кузпалъёс ог-огзэс уг гажало ке, соос огзэс огзы кылъёсын вӧсь карыны быгато. Кылсярысь, янгыше уськытыны, мыскылляны яке ултӥяны но. Психологъёс верамъя, сыӵе югдур люкиськонэ вуттыны быгатэ.
«Тӥ кышнодэс ялан мыскылляды, серекъяды ке, со кышнодылэсь сюлэмзэ вӧсь кароз. Соин кышноды тӥледлы оскемысь дугдоз но, семьяды куашканы быгатоз» (Брайан).
МАР КАРЫНЫ ЛУОЗ
АСЬТЭДЫ ЭСКЕРЕ
Арня ӵоже чаклалэ, мар тӥ вераськоды но кызьы асьтэды возиськоды. Собере юалэ асьтэлэсь:
-
«Макем ӵем мон кузпалме тэргасько но макем ӵем сое ушъясько?»
-
«Кызьы мон кузпалэлы гажамме возьматӥсько?»
ОГ-ОГЕНЫДЫ КЕНЕШЕ
-
Кузпалдылэн кыӵе кылъёсыз но ужъёсыз возьматозы, со тӥледыз гажа шуыса?
-
Тӥ малпамъя, кузпалдылэн кыӵе кылъёсыз но ужъёсыз возьмато, со тӥледыз уг гажа шуыса?
ВИЗЬ-КЕНЕШЪЁС
-
Гожтэ куинь удысъёсты, кудъёсаз тӥ возьмаськоды, кузпалды тӥледлы тросгес гажамзэ возьматоз шуыса. Кузпалдэс но гожтыны куре. Ог-огдылы гожтэмдэс возьматэ но азьланяз кузпалдылэсь куронзэ лыдэ басьтыны тырше.
-
Гожтэ, кузпалдылэн кыӵе сямъёсыз тӥледлы тужгес но кельшо. Собере вералэ кузпалдылы, макем дуно пото тӥледлы солэн со сямъёсыз.
«Куке карттэ гажаськод, тон ужъёсыныд возьматӥськод, тон сое дунъяськод но тынад потэ, со шудо мед луоз шуыса. Сое пичи ужъёсын но возьматыны луэ. Куддыръя гажам пӧртэм пичи ужъёсысь адӟиське» (Меган).
Озьыен, эн малпалэ: «Возьматӥсько-а мон кузпалэлы гажамме, уг-а?» Со интые, малпаське: «Шӧдэ-а мынам кузпалы, мон сое гажасько шуыса?»
БИБЛИЫСЬ ВИЗЬ-КЕНЕШ: «Дӥсяське-шобырске гажась-жалясь, лякыт сямо, зӥбыт-востэм, кема чидась луонлэн дӥськутэныз» (Колоссыослы 3:12).
