Адями простить каре, куке кӧтсэ берыктэ но кӧт ӝожен уг улы ни. Простить кариськод ке, со уг возьматы, тон адямилэсь янгышсэ пичиятӥськод яке кылэм-адӟем уд кариськы шуыса.

БИБЛИЫСЬ ВИЗЬ-КЕНЕШ: «Ог-огдэс чидаса улэ, кинлэн ке кин ке вылэ йыркурез вань ке, ог-огдылы простить каре» (Колоссыослы 3:13).

«Кинэ ке яратӥськод ке, тон солэн тырмымтэосызлы саклыктэ уд висъяськы, нош адӟыны тыршиськод сыӵеен, кыӵе адями со луыны тырше» (Эрон).

Кӧтӝож, кудзэ пушкад возиськод, тазалыклы изъян ваем сяна, кузпалъёслэсь кусыпъёссэс сӧрыны быгатэ.

«Одӥг пол картэ монэ туж ӝоже уськытӥз но собере простить карыны куриз. Мыным секыт вал сое простить карыны. Кӧня ке дыр ортчыса, мон сое простить кари. Но мон туж жалясько, азьлогес кӧтме ӧй берыкты шуыса, малы ке шуоно кусыпъёсмы ӝоггес тупасалзы» (Джулия).

АСЬТЭДЫ ЭСКЕРЕ

Кузпалды тӥледыз ӝоже уськытӥз ке, юалэ асьтэлэсь:

• «Оло нош, мон туж ӝог куатаськисько?»

• «Со зэмзэ но сокем ӝож вал-а яке мон быгатӥсько кузпалме простить карыны но кӧтӝожме вунэтыны, со мыным „вождэ эн вай“ ӧз шуы ке но?»

ОГ-ОГЕНЫДЫ КЕНЕШЕ

• Кӧня тӥледлы дыр кулэ, ог-огдэс простить карон понна?

• Мар карыны луоз, ог-огдэс ӝоггес простить карон понна?

ВИЗЬ-КЕНЕШЪЁС

• Кузпалды тӥледыз ӝоже уськытӥз ке, эн малпалэ, со юри озьы кариз шуыса.

• Ми ваньмы ӵем янгышаськомы, соин ик кузпалдэс шонере поттыны тырше (Иаков 3:2).

«Капчи кӧтӝожез вунэтыны, куке тӥ кыкнады ик янгыш. Секытгес луэ, куке потэ, тон янгыш ӧвӧл шуыса. Простить карон понна, зӥбыт-востэм сям кулэ» (Кимберли).

БИБЛИЫСЬ ВИЗЬ-КЕНЕШ: «Ӝоггес тупатскы вожвылъяськись муртэныд» (Матфей 5:25).