1. Мар возьма милемыз Сюрс ар ӵоже кивалтон дыръя?

 ТӤ ТРОС пол малпаськиды, дыр, со сярысь, кызьы Христослэн сюрс ар ӵоже кивалтонэз дыръя кулэмъёс улӟыны кутскозы. Ми ӵыдытэк витиськомы со нуналэз! Соослэн, кинъёс матысь адямиоссэс ыштӥзы, нош ик соосын адӟиськемзы потэ. Иегова но соослэсь туж мӧзме (Иов 14:15). Макем трос шумпотон ваёз яратоно адямиосынымы пумиськон! Кызьы ми тодӥмы кылем статьяысь, «шонер улэмъёс», кудъёсызлэн нимъёссы улон книгаын гожтэмын, пырак улон басьтон понна улӟозы (Ап. уж. 24:15; Иоанн 5:29). Нырысь ик матысь адямиосмы улӟозы, вылды b. Со сяна, улӟытэмын луозы «шонер улымтэос», кылсярысь, соос, кинъёслэн Иеговаез тодыны яке солы ужаны-тыршыны тырмыт луонлыксы ӧй вал. Соос суд улэ сюрон понна улӟозы.

2, 3. а) Кыӵе туж бадӟым дышетон программа сярысь азьло ик вераськиз Исаиялэн 11:9, 10? б) Мае ми эскеромы та статьяын?

 ² Вань улӟытэмъёсты дышетоно луоз (Ис. 26:9; 61:11). Соин ик быдэс музъем вылын самой бадӟым дышетон программа ортчытӥськоз. (Лыдӟе Исаиялэсь 11:9, 10.) Шонер улымтэ улӟемъёслы тодоно луоз Иисус Христос сярысь, Эксэйлык сярысь, дун тырон сярысь но споръяськон юан сярысь, кудӥз герӟаськемын Иеговалэн нимыныз но вылӥ кивалтэтэныз. Шонер улэмъёслы но тодоно луоз, кызьы Иегова пичиен-пичиен музъем пумысен аслэсьтыз малпанзэ усьтӥз. Соос пӧлысь куд-огъёсыз кулӥзы Библиез гожъяса йылпумъянлэсь трослы азьлогес. Соин ик шонер улымтэослы но, шонер улэмъёслы но туж трос дышетсконо луоз.

³ Та статьяын ми эскеромы таӵе юанъёсты: кызьы ортчытӥськоз туж бадӟым дышетон программа? Мар кароно адямилы, та дышетон программа ортчытӥськыку, солэн потэ ке, нимыз улон книгае гожтэмын мед луоз шуыса? Та юанъёслы валэктонъёс шедьтыны милемлы юрттозы азьпалзэ ивортонъёс, кудъёсыз гожтэмын Данииллэн книгаяз но Усьтӥськон книгаын. Соос юрттозы милемлы валаны, мар луоз кулэмъёсты улӟытон дыръя. Нырысь ойдолэ эскеромы, мар сярысь вераське Данииллэн 12:1, 2.

4, 5. Мар вераське берпум дыръёс сярысь Данииллэн 12:1?

⁴ Лыдӟе Данииллэсь 12:1. Данииллэн книгаез вера со сярысь, мар луоз берпум дыръёсы, озьы ик со сярысь, кыӵе радлыкен со мыноз. Кылсярысь, Данииллэн 12:1 вераське, Михаил, яке Иисус Христос, Инмарлэн «калыкезлэн пиосыз пала дурбасьтыса улоз» шуыса. Азьпалзэ ивортонлэн та люкетэз быдэсмыны кутскиз 1914-тӥ арын, куке Иисус Инмарлэн Эксэйлыказ эксэй луиз.

⁵ Озьы ик Данииллы верамын вал, Иисус «султоз» шуыса, куке «туж секыт дыр вуоз, сыӵе дыр адямиос кылдэм дырысен та дырозь ӧй на вал». Матфейлэсь 24:21 верамъя, та «туж секыт дыр» «бадӟым куректон» шуыса нимаське. Иисус «султоз», яке Инмарлэсь ужась-тыршисьёссэ утёз, «туж секыт дырлэн пумаз» — Армагеддонын. Усьтӥськон книгаын та адямиос «туж-туж трос калык» шуыса нимасько, соос «туж бадӟым курадӟон-куректон пыр потэмын» (Усьт. 7:9, 14).

6. Мар луоз туж-туж трос калык бадӟым куректон пыр потэм бере? Валэктэ. (Музъем вылэ улӟытон сярысь тросгес тодыны луэ та журналысь «Лыдӟисьёслэн юанъёссы» статьяысь.)

⁶ Лыдӟе Данииллэсь 12:2. Мар луоз туж-туж трос калык бадӟым куректон пыр потэм бере? Азьвыл ми малпамы, Данииллэн та азьпалзэ ивортоназ кулэмъёсты улӟытон сярысь уг вераськы шуыса. Ми малпамы: татын вераське со сярысь, кызьы 1918-тӥ арын, лек уйылон-уллянъёс бере, Инмарлэн калыкез выльысь ӟырдыт мылкыдын тодытыны кутскиз c. Но табере ми валаськомы: та азьпалзэ ивортон вера улӟытон сярысь, кудӥз выль дуннеын луоз. Со кутскоз берпум нуналъёслэн но Армагеддонлэн йылпумъяськемзы бере.

7. а) Кызьы валано, «одӥгъёсыз пумтэм вапумъёс ӵоже улон понна» улӟозы шуыса? б) Малы со «улӟыса султон дыръя ӟечгес люкет» луоз?

 ⁷ Данииллэн 12:2 вераське, «одӥгъёсыз пумтэм вапумъёс ӵоже улон понна» улӟозы шуыса. Со возьматэ, улӟытэмъёс, кудъёсыз Сюрс ар ӵоже кивалтон дыръя Иегова но Иисус сярысь тодон-валан басьтозы но соослэсь кылзӥськозы, пырак улон басьтозы шуыса (Иоанн 17:3). Соос «улӟыса султон дыръя ӟечгес люкет» басьтозы (Евр. 11:35). Малы со ӟечгес? Малы ке шуоно тырбыдэстэм адямиос, кудъёсыз азьвыл улӟытэмын вал, собере нош ик кулӥзы.

8. Кызьы валано, мукетъёсыз «пумтэм вапумъёс ӵоже возьытэ вуон» понна улӟозы шуыса?

⁸ Но вань улӟытэмъёслэн Иеговалэсь дышетскемзы уз поты. Данииллэн азьпалзэ ивортоназ вераське, мукетъёсыз «пумтэм вапумъёс ӵоже возьытэ вуон» понна улӟозы шуыса. Соос уз кылзӥське бере, соослэн нимъёссы улон книгае гожтэмын уз луэ но соос пырак уз улэ. Соосты возьма «пумтэм вапумъёс ӵоже возьытэ вуон», яке бырон. Озьыен, Данииллэн 12:2 вераське, кытчы вуттозы улӟытэм адямиослэн улӟемзы бере лэсьтэм ужъёссы (Усьт. 20:12) d. Одӥгъёсыз пумтэм вапумъёс ӵоже улон басьтозы, мукетъёсыз — уз.

9, 10. а) Данииллэн 12:3 верамъя, мар эшшо луоз на бадӟым куректон бере? б) Кинъёс «инмысь шундыен толэзь кадь чиляса улозы»?

⁹ Лыдӟе Данииллэсь 12:3. Мар эшшо луоз на матэктӥсь «туж секыт дыр» бере? Даниил 12:3 тае валэктэ. Татын вераське со сярысь, мар луоз бадӟым куректон бере.

¹⁰ Кинъёс «инмысь шундыен толэзь кадь чиляса улозы»? Валэктон ми шедьтӥськомы Иисуслэн кылъёсысьтыз, кудъёсыз гожтэмын Матфейлэсь 13:43: «Соку шонер улэмъёс Атайзылэн Эксэйлыказ шунды кадь пиштыса улыны кутскозы». Та азьын ик Иисус вераз «Эксэйлыклэн нылпиосыз» сярысь, яке зырӟем вын-агайёс сярысь, кудъёсыз соин ӵош инмын кивалтозы (Матф. 13:38). Соин ик Данииллэн 12:3 вераське, вылды, зырӟем христианъёс сярысь но со сярысь, мар соос карозы Сюрс ар ӵоже кивалтонзы дыръя.

11, 12. Кыӵе ужез быдэсъялозы 1 000 ар ӵоже 144 000 зырӟем христианъёс?

¹¹ Кызьы 144 000 зырӟем христианъёс «трос адямиосты шонерлык пала» берыктозы? Иисус Христосэн ӵош соос кивалтозы дышетонэн, кудӥз музъем вылын 1 000 ар ӵоже ортчытӥськоз. Зырӟем христианъёс эксэйёс но, священникъёс но луозы (Усьт. 1:6; 5:10; 20:6). Соин ик соос адямиослы юрттозы «бурмыны» — пумен-пумен тырбыдэс луыны (Иез. 47:12; Усьт. 22:1, 2). Та уж зырӟем христианъёслы туж трос шумпотон ваёз.

¹² Нош кинъёс со «трос адямиос», кудъёссэ шонерлык пала берыктозы? Соос пӧлын луозы улӟытэмъёс, Армагеддон пыр потэмъёс но нылпиос, кудъёсыз выль дуннеын вордӥськозы, вылды. 1 000 ар йылпумъяськыку, музъем вылысь вань адямиос тырбыдэсэсь луозы. Но юан кылдэ: ку соослэн нимъёссы улон книгае «карандашен» гинэ гожтэмын уз луэ, нош пыраклы «ручкаен» гожтэмын луозы?

13, 14. Мар кароно луоз вань тырбыдэс адямиослы, пырак улон понна?

¹³ Тодамы возёно: тырбыдэс луон уг возьматы, адями одно ик пырак улоз шуыса. Кылсярысь, Адам но Ева тырбыдэсэсь вал ке но, пырак улон понна, соослы Иеговалэсь кылзӥськыса улоно вал. Но жаляса верано луэ, соос Инмарлэсь ӧз кылзӥське (Рим. 5:12).

¹⁴ Нош мар вераны луоз адямиос сярысь, кудъёсыз, 1 000 ар йылпумъяськыку, музъем вылын улозы? Ваньзы соос тырбыдэс луозы. Соос Иеговалэсь ялан кылзӥськыса улозы-а? Яке тырбыдэс луыса но, Адам но Ева сямен, куд-огъёсыз Инмарлы пумит ӝутскозы? Кызьы та юанъёслы валэктон сётэмын луоз?

15, 16. а) Ку вань адямиос Иеговалы оскымон луэмзэс возьматыны быгатозы? б) Маин йылпумъяськоз берпуметӥез эскерон?

¹⁵ Шайтан 1 000 ар ӵоже пытсэтын кадь пукоз но нокинэ пӧяны уз быгаты. Но 1 000 арлэн пумаз со мозмытэмын луоз. Соку со тырбыдэс адямиосты Иеговалэсь палэнтыны тыршоз. Со эскерон дыръя адямиос возьматыны быгатозы, потэ-а соослэн Инмарлэсь нимзэ данъямзы но вылӥ кивалтэтсэ гажамзы (Усьт. 20:7—10). Со, кызьы котькуд адями  ассэ со дыре возёз, возьматоз, солэсь нимзэ улон книгае пыраклы гожтозы-а, уз-а.

¹⁶ Библия верамъя, куд-ог адямиос (соослэн лыдзы тодмо ӧвӧл), Адам но Ева сямен, Иеговалэн кивалтэтэзлэсь уз кылзӥське. Мар соосты возьма? Усьтӥськонын 20:15 гожтэмын: «Кин улон книгае гожтэмын ӧй вал, сое тылын ӝуась тыэ куштӥзы». Мукет сямен вераса, Инмарлы пумит ӝутскисьёс пыраклы быдтэмын луозы. Но тросэз адямиос Иеговалы оскымон кылёзы но, соослэн нимъёсы пыраклы улон книгае гожтэмын луозы.

17. Мар кылчин вераз Данииллы асьме дыр сярысь? (Даниил 12:4, 8—10).

¹⁷ Вуоноез сярысь малпаськыса, сюлэм ик бугырске. Но кылчин Данииллы эшшо мае ке кулэзэ вераз на асьме дырмы сярысь — «берпуметӥ дыръёс» сярысь (лыдӟе Данииллэсь 12:4, 8—10; 2 Тим. 3:1—5). Кылчинлэн верамезъя, адямиослэн тодонзы будоз. Та возьматэ, Инмарлэн калыкез Данииллэн книгаысьтыз азьпалзэ ивортонэз эшшо но умойгес валалоз шуыса. Кылчин ватсаз, мар луоз берпум дыръёсы: «Сьӧлыклэсь кышкасьтэмъёс  сьӧлыклэсь кышкатэк улозы; сьӧлыклэсь кышкасьтэмъёс пӧлысь одӥгез но тае уз вала».

18. Мар ӝоген луоз сьӧлыклэсь кышкасьтэмъёсын?

¹⁸ Туннэ куддыръя малпан кылдэ, сьӧлыклэсь кышкасьтэмъёс кыл кутытэмын уг луо шуыса (Мал. 3:14, 15). Но ӝоген Иисус лек адямиосты судить кароз но соосты шонер улэмъёслэсь люкоз озьы ик, кызьы «кызьы пудо возьмась ыжъёсты висъя кечъёслэсь» (Матф. 25:31—33). Сьӧлыклэсь кышкасьтэмъёс бадӟым куректон пыр уз потэ но выль дуннеын улӟытэмын уз луэ. Соослэн нимъёссы «буре ваён книгае» гожтэмын уз луэ.

19. Мар милемлы али кароно но малы? (Малахия 3:16—18).

¹⁹ Али самой тупась дыр ужъёсынымы возьматыны, ми сьӧлыклэсь кышкасьтэмъёс пӧлын ӧвӧл шуыса. (Лыдӟе Малахиялэсь 3:16—18.) Иегова люка адямиосты, кудъёссэ со лыдъя аслаз адямиосыныз, яке аслаз люкетэныз. Милям соос пӧлын луэммы потэ.

20. Мар верамын вал Данииллы но малы тӥ ӵыдытэк возьмаськоды та азьпалзэ ивортонлэсь быдэсмемзэ?

²⁰ Ми тӥледын туж паймымон дыре улӥськомы! Но азьланяз милемыз эшшо но паймымонэз возьма. Ӝоген вань урод ужъёс быдэсак быдтэмын луозы. Собере ми адӟомы, кызьы быдэсмозы Иеговалэн кылъёсыз, кудъёссэ со Данииллы вераз: «Люкеттэ басьтон понна нуналъёс бырон азьын султод» (Дан. 12:13). Валаськомы, тӥ туж возьмаськоды со дырез, куке Даниил но матысь адямиосты улӟытэмын луозы. Соин ик лэсьтэ ваньзэ, мае быгатӥськоды, Иеговалы оскымон луон понна. Соку тӥлесьтыд нимдэс улон книгаысь Инмар ноку уз ӵушы.