Сак лыдӟиды-а тӥ та арын поттэм «Возьмаськон башняез»? Быгатоды-а тӥ та юанъёслы валэктонъёс сётыны?

Кыӵе пайда ми басьтомы, Иеговаен вераськимы ке, сое кылзӥмы ке но со сярысь малпаськимы ке?

Ми шонер ужпумъёс кутомы, эшшо но умойгес дышетӥсьёс луомы, осконмы юнгес луоз но Иеговаез эшшо но золгес яратомы (w22.01, 30—31 б.).

Малы дышетсконо оскыны Иеговалы но соослы, кинъёс пыр со музъем вылын кивалтэ?

Али милемлы дышетсконо оскыны, Иеговалэн кивалтэтэз но тӧроослэн кутэм ужпумъёссы пайда ваё шуыса. Соку бадӟым куректон дыръя ми дась луомы кылзӥськыны кивалтэтлэсь, кудӥз валантэм но быдэстонтэм потоз, вылды (w22.02, 4—6 б.).

Малы кылчин Захариялы вераз «Зоровавельлэн киысьтыз лэсьтӥськисьёслэн мертаськон гозызы» сярысь? (Зах. 4:8—10).

Та адӟон Инмарлэсь ужась-тыршисьёссэ оскытӥз, выль храм сокем узыр ӧй вал ке но, со Иеговалэн шонерлыко курон-косонъёсызлы тупалоз шуыса (w22.03, 16—17 б.).

Мар кароно, вераськонмы «адӟем карымон мед луоз» шуыса? (1 Тим. 4:12).

Тодытыкумы ми лякытэн но гажаса вераськиськомы; кенешлэн пумиськонъёсаз ми вань сюлмысьтымы кырӟаськомы но валэктонъёс ялан сётъяськомы; огшоры вераськонъёсын ми юнматӥсь кылъёс вераськомы но «лек кылъёсын» ум вераськиське (w22.04, 6—9 б.).

Малы Данииллэн книгаысьтыз 7-тӥ люкетысь ньыль пӧйшуръёслэн (кивалтэтъёслэн) тодметъёссы тупало одӥг пӧйшурлэн тодметъёсызлы, кудӥз сярысь вераське Усьтӥськонын 13:1, 2?

Усьтӥськонысь 13-тӥ люкетысь пӧйшур уг возьматы одӥг гинэ кивалтэтэз яке дунневыл державаез, кылсярысь, Римез. Со возьматэ вань кивалтэтъёсты, кудъёсыз музъем вылын кивалтӥзы (w22.05, 9 б.).

Кызьы возьматоно оскеммес, Иегова шонерлыкез тупатоз шуыса?

Куке милемыз кин ке но ултӥяз, вӧсь кариз яке милемлы пумит сьӧлыказ, ми йыркуръяськыса но пунэмзэ берыктыса ум улӥське, нош ваньзэ Инмар кие сётӥськомы. Малы ке шуоно со сьӧлыклэсь вань урод бервылъёссэ одно ик быдтоз (w22.06, 10—11 б.).

Мар сярысь тодаз возёно агайлы, кудӥз тодытонлы сӥзем пумиськон азьын яке кенешлэн пумиськонэз азьын вӧсяське?

Вӧсяськонын кулэ ӧвӧл кенешлы визь-кенешъёс сётъяны яке ялонъёс вераны. Агай трос кылъёс вераны кулэ ӧвӧл, тужгес но пумиськонлэн кутсконаз вӧсяськыкуз (Матф. 6:7) (w22.07, 24—25 б.).

Кызьы валано, «урод уж лэсьтӥсьёс янгыше сюронлы», яке суд улэ сюронлы, улӟозы шуыса? (Иоанн 5:29).

Та уг возьматы, соос кулэмзылэсь азьло лэсьтэм сьӧлыкъёссы понна судить каремын луозы шуыса. Иисус сак учкоз, кызьы соос асьсэды возёзы но кыӵе ужъёс лэсьтозы улӟемзы бере (w22.09, 18 б.).

Кыӵе мылкыдэз ӝутӥсь кылъёс верамын вал 1922-тӥ арын куарусёнэ ортчем конгрессын?

Конгрессын, кудӥз ортчиз Сидар-Пойнтын (Огазеяськем Штатъёс, Огайо штат), Рутерфорд агай юн мылкыдын но бадӟым куараен вераз: «Тани, Эксэй кивалтэ! Та сярысь тӥ ваньмызлы вераны кулэ. Соин ик тодытэ, тодытэ, тодытэ Эксэй но солэн Эксэйлыкез сярысь!» (w22.10, 3—5 б.).

Исаиялэн книгаяз 30-тӥ люкетын верамъя, кыӵе куинь амалъёсын Инмар юрттэ милемлы ваньзэ чиданы?

Та люкетысь адӟиське, кызьы Инмар: 1) вӧсяськонъёсмес кылзэ но милемлы ответ сётэ, 2) милемын кивалтэ но 3) милемыз бакель каре али но вуонояз кароз на (w22.11, 9 б.).

Малы вераны луоз, Псалтирьысь 36:10, 11, 29 кылъёс вашкала дыръя гинэ ӧз быдэсме, нош вуонояз но быдэсмозы на шуыса?

Давидлэн кылъёсыз возьмато, кыӵе умой улон вал Израильын, кылсярысь, Соломон эксэй дыръя. Иисус 11-тӥ кылбурысь кылъёсты кутӥз, куке вуоно рай сярысь вераз (Матф. 5:5; Лука 23:43) (w22.12, 8—10, 14 б.).