4-тӥ азьпалзэ ивортон. Яратонтэк улон

«Гажан-жалянэз тодӥсьтэмесь... луозы» (2 ТИМОФЕЙЛЫ 3:1—3).

● Крис уйпал Уэльсын семьяязы вӧсь каремъёслы юрттэт сётонъя службаын ужа. Со вера: «Тодӥсько на, кызьы лыктӥз одӥг кышномурт, кудӥз азьвыл ми доры вазиськиз вал ини. Мон сое ӧй тодма — сокем зол со жугемын вал. Куд-ог кышномуртъёсты сокем ултӥяса возё, соос мукет адямиослэн синмазы учкыны но возьдасько».

МАР СЯРЫСЬ ВЕРАЛО ФАКТЪЁС? Африкаысь одӥгаз шаерын 33 процент кышномуртъёс пичи дыръязы ик ини эриктэмамын вал. Та шаерын ик ортчытэм эскерон возьматӥз, 60 процент пиосмуртъёс уг малпало, ас кышнодэ жугыса возён — со умойтэм шуыса. Но семьяын вӧсь каронэн кышномуртъёс гинэ уг пумисько. Кылсярысь, Канадаын ог 30 процент пиосмуртъёс семьяязы вӧсь каронэн пумиськизы. Соосты кышнооссы вӧсь каризы.

ПУМИТ ВЕРАН. Семьяын вӧсь карон котьку вал. Но асьме дыре, азьвыл сярысь, та шуг-секытлы тросгес саклык висъяло.

ОЗЬЫ-А СО? Зэм, берло дасо аръёсы та шуг-секыт сярысь трос верасько. Но семьяын вӧсь карон ӧжытгес луиз-а? Ӧз. Туннэ туж умой адӟиське, семьяын яратон уг тырмы шуыса.

КЫЗЬЫ ТӤ МАЛПАСЬКОДЫ? Быдэсмо-а 2 Тимофейлы 3:1—3 гожтэм кылъёс? Шӧдӥськоды-а тӥ, трос семьяосын яратонзы ӧвӧл шуыса?

Витетӥез азьпалзэ ивортон, кудӥз али быдэсме, герӟаськемын милям музъеменымы. Учке, мар со сярысь верамын Библиын.

[Ватсан]

«Лыдъяське, семьяязы вӧсь каремъёслэсь лыдзэс туж пичиятыса верало шуыса. Ӵем дыръя кышномуртъёс полицие вазисько картсы соосты 35 пол вӧсь карем бере гинэ» (УЭЛЬСЫСЬ СЕМЬЯЯЗЫ ВӦСЬ КАРОНЪЁСЫН ПУМИСЬКЕМЪЁСЛЫ ЮРТТЭТ СЁТОНЪЯ СЛУЖБАЫН УЖАСЬ).