Куарусёнэ ми туж тыршомы адямиослы вераны, Инмарлэн Эксэйлыкез гинэ адямиослэсь вань шуг-секытъёссэс сэрттоз-пертчоз шуыса (Мф 24:14). Кызьы тон быгатод та кампание пыриськыны? Бырйы Библиысь кыӵе ке кылбурез, кудаз Инмарлэн Эксэйлыкез сярысь верамын. Собере тыршы та кылбурез ваньмызлы возьматыны. Нырысетӥзэ вераськыку, адямилы тунсыко потӥз ке, ӵекты солы «Возьмаськон башняез» (№ 2, 2020-тӥ ар (ӟуч)). Ӝегатскытэк тыршы со адями доры выльысь лыктыны но кутскы соин Библиез дышетыны «Пумтэм вапумъёс ӵоже шумпотыса улэ!» брошюрая. Куарусёнэ юрттӥсь пионеръёс бырйыны быгатозы, кӧня час соос ужалозы-тыршозы — 15 яке 30.

Ӝоген Инмарлэн Эксэйлыкез быдтоз вань кивалтэтъёсты, кудъёсыз Инмарлы пумит мыно (Дн 2:44; 1Кр 15:24, 25). Соин ик ойдолэ мылысь-кыдысь пыриськомы та нимысьтыз кампание! Озьы ми возьматомы, Иегова но солэн Эксэйлыкез пала дурбасьтӥськомы шуыса.