Иегова Адамез но Еваез кылдытэ но соослы пырак улон райын сётыны малпа. Шайтан Инмарлэсь нимзэ сантэма но солэсь кивалтыны правозэ юан улэ пуктэ. Адам но Ева Шайтан пала карисько, озьы соос ас вылазы но нылпиоссы вылэ сьӧлык но кулон басьто

Иегова бугыръяськисьёслы приговор ялэ но кылзэ сётэ, Мозмытӥсь, яке Кидыс-Выжы, лыктоз шуыса, кудӥз быдтоз Шайтанэз но бугыръяськонлэсь вань бервылъёссэ, озьы ик сьӧлыкез но

Иегова Авраамлы но Давидлы кылзэ сётэ, соос выжыысь Кидыс-Выжы, яке Мессия, потоз шуыса, кудӥз Эксэй луоз но пырак ӵоже кивалтоз

Иеговалэн кивалтэмез улсын пророкъёс азьпалзэ ивортыса верало, Мессия адямиосты сьӧлыклэсь но кулонлэсь мозмытоз шуыса. Со Инмарлэн Эксэйлыказ кивалтоз но соин ӵош кивалтӥсьёсыныз ожъёсты, висёнъёсты, кулонэз гинэ но быдтоз

Иегова аслэсьтыз Пизэ музъем вылэ ыстэ но Иисус сӥзем Мессия луэ шуыса возьматэ. Иисус Инмарлэн Эксэйлыкез сярысь тодытэ но аслэсьтыз улонзэ курбонэ сётэ. Иегова сое духовной кылдытэм карыса улӟытэ

Иегова аслэсьтыз Пизэ ин Эксэйлыклэн престолаз пуктэ но, та дуннелэн берпуметӥ нуналъёсыз кутско. Иисус музъем вылысь пытьытӥз мынӥсьёсын кивалтэ, кудъёсыз Инмар Эксэйлык сярысь быдэс дунне вылын тодыто

Иегова Пиезлы уж сётэ, Эксэйлык музъем вылын кивалтыны мед кутскоз шуыса. Эксэйлык вань кивалтэтъёсты пазьге, музъем вылын выльысь рай кылдытэ но Инмарлы оскымон адямиослы дун-шектэм луыны юрттэ. Иеговалэн кивалтыны правоез пырак азелы шонере поттэмын но солэн нимыз дун-чылкыт каремын