Малы умой луысал Библиез эскерыны?
Тӥляд Библия сярысь кылэмды вань-а? Тросэзлы тодмо, вань дауръёс ӵоже та паймымон книга тужгес но вӧлмемын шуыса. Библиез лыдӟыса, пӧртэм калыкъёсысь адямиос отысь буйгатскон, оскиськон но котькуд нуналлы пайдаё визь-кенешъёс шедьто. Озьы ке но, туннэ тросэз та книга сярысь трос ик уг тодо. Оскись адями-а тӥ яке ӧвӧл-а, тӥледлы тунсыко луоз, дыр, тодыны, мар сярысь со. Та брошюра дасямын вал, тӥледлы Библия сярысь тодыны юрттон понна.
БИБЛИЕЗ кияды кутыса лыдӟон азяды тӥледлы со сярысь тросгес тодыны кулэ. Библие, кудӥз озьы ик Священной Гожтэм шуыса тодмо луэ, пыро 66 пичи книгаос, нырысетӥез соос пӧлысь — Улон-вылон, нош берпуметӥез — Усьтӥськон.
Кин Библилэн авторез? Со тунсыко юан. Зэмзэ вераса, Библиез гожъязы 40 пала адямиос 1 600 арлэсь кемагес. Озьы ке но, соос асьсэды Библилэн авторъёсыз шуыса ӧз лыдъялэ. Одӥгез соос пӧлысь вераз: «Быдэс Священной Гожтэм Инмарлэн Духеныз вордскытэмын» (2 Тимофейлы 3:16). Нош мукетыз гожтӥз: «Кузё-Инмарлэн Духез мон пушкын вера, Солэн кылыз мынам кыл йылам улэ» (2 Эксэйлыкъёслэн 23:2). Озьыен, Библиез гожъясьёс лыдъязы, солэн Авторез — Иегова Инмар, быдэс Дуннеен Кивалтӥсь. Соос возьматӥзы, Инмарлэн адямиослы матэгес луэмез потэ шуыса.
Мар эшшо Библия сярысь тодыны кулэ на? Быдэс Гожтэмлэн одӥг валтӥсь темаез — Инмарлэн адямиосын ин Эксэйлыкез пыр кивалтыны правоез вань шуыса возьматон. Мукет бамъёсысь тӥ адӟоды, кызьы та тема усьтӥське Улон-вылон книгаысен Усьтӥськон книгаозь.
Озьыен, ойдолэ эскеромы валтӥсь темазэ дунне вылысь тужгес но тодмо книгалэсь — Библилэсь.
^ абз. 9 Та брошюраын «а. э.» вакчиятон возьматэ «асьме эра» шуэмез, нош «а. э. азьло» — «асьме эралэсь азьло». Та вакчиятонъёс кутӥсько котькуд бамлэн улӥяз вакытэз возьматӥсь гож вылын.
Тӥледлы тунсыко луоз, дыр
МИ СЯРЫСЬ
Малы дышетоно Библиез?
Библия быдэс дуннеысь трос миллион адямиослы улонысь тужгес но кулэ луись юанъёслы валэктонъёс шедьтыны юрттэ. Потэ-а тӥляд, со тӥледлы но мед юрттоз шуыса?
