Пукты син азяд таӵе югдурез: Дима эшъёсыныз шудэ. Со тупез куштэ но малпамтэ шорысь бускельёссылэн машиназылэсь укнозэ пиле.

Мар тон карысалыд Дима интыын?

ТОН БЫГАТЫСАЛЫД...

1. Бызьыса кошкыны.

2. Кинэ ке мукетсэ янгыше уськытыны.

3. Вераны бускеледлы, мар луиз, но изъян ваемед понна коньдон ӵектыны.

Тынад бызьыса кошкемед потысал, дыр. Озьы ке но, укно пилид-а яке эшшо мар ке изъянтӥд-а, умойгес луоз, тон котьку но янгышъёсыд сярысь ватытэк верад ке. Со понна куинь мугъёс вань.

1. Со шонер луэ.

   Библиын верамын: «Котьмар ласянь шонер улыны тыршиськомы» (Еврейёслы 13:18).

2. Соосты, кинъёс янгышъёссы сярысь ватытэк верало, дась луо простить карыны.

   Библиын верамын: «Йыружъёссэ ватӥсь муртлэн азинлыкъёсыз уз луэ, нош кин йыруж лэсьтэмзэ ватытэк вера, йыружъёс лэсьтэмысь дугдэ, солэн сьӧлыкъёсыз ӵушемын луозы» (Мадёнъёс 28:13).

3. Самой валтӥсез — озьы тон Инмарез шумпоттӥськод.

   Библиын верамын: «Ӧрекчаськыса вераськись мурт Кузё-Инмарлы юрӟым потэ, нош зэмлыкез верась муртъёс Инмарлы ярамонэсь» (Мадёнъёс 12:22).

20 аресъем Карина атаезлэсь ватыны малпаз, машинаен туж ӝог ветлэмез понна, солы штраф гожтӥзы шуыса. Но солэн сое кема дыр ӵоже ватэмез ӧз луы. «Ар пала ортчыса,— тодаз вае Карина,— атае мынам нимы вылэ гожтэм штрафез адӟиз. Ох, соку сюриз ук мыным!»

Малы дышетскыны луэ та учырысь? Карина вера: «Янгышъёстэ ватыса улӥд ке, уродгес луоз. Соос понна одно ик кыл кутоно луод, но берлогес!»

Библиын верамын: «Уго ваньмы асьмеос трос сьӧлыкаськомы» (Иаков 3:2). Кызьы ми адӟимы, туж кулэ янгышъёсыд сярысь ватытэк вераны, но вераны кулэ соку ик. Со возьматэ, тон зӥбыт-востэм но визьмо адями шуыса.

Мукетыз вамыш — со аслад янгышъёсыд вылын дышетскыны. Вера нимо ныл шуэ: «Мон янгыш лэсьтӥсько ке, со шоры дышетскыны луонлык шоры кадь учкыны тыршисько, но малы ке дышетскисько. Со юрттэ мыным умойгес луыны но азьланяз сыӵе югдурын мукет сямен лэсьтыны». Ойдолэ тодомы, кызьы тон солэсь адӟем карыны быгатод.

Тон агаедлэсь велосипедзэ басьтӥд но сӧрид сое. Мар тон карод?

• Агаед уз адӟы шуыса малпалод но уд вера солы.

• Номыре ватытэк агаедлы вералод.

• Ваньзэ агаедлы вералод, нош янгыше уськытод кинэ ке мукетсэ.

Тон экзамендэ сётыны ӧд быгаты, малы ке шуоно ӧд дасяськы. Мар тон карод?

• Юанъёсыз туж секытэсь вал шуыса вералод.

• Вералод, ачид янгыш шуыса.

• Дышетӥседлы вералод: «Тӥ монэ уд яратӥське!»

 Табере вылӥын гожтэм учыръёс шоры эшшо огпол учкы на но пукты астэ 1) агаед но 2) дышетӥсед интые. Мар тон сярысь малпалоз агаед но дышетӥсед, тон янгышед сярысь ватытэк верад ке? Нош мар соос малпалозы, тон янгыштэ ватӥд ке?

Нош табере тодад вай янгыштэ, кудзэ тон берпум ар куспын лэсьтӥд, но гожтэм юанъёслы валэктонъёс сёт.

Кыӵе янгыш тон лэсьтӥд? Мар тон карид собере?

• Ватӥ сое.

• Кинэ ке мукетсэ янгыше уськытӥ.

• Соку ик янгыше сярысь ватытэк верай.

Янгыштэ ватӥд ке, мар тон берлогес шӧдӥд?

• Капчияк шокчи: «Ортчиз, лэся!»

• Янгышме шӧдӥ. Ваньзэ верано, вылэм.

Мар кароно вал?

Малы тон дышетскид янгышед вылын?

Малы куд-ог адямиос янгышъёссы сярысь мылзы потытэк верало?

Мар адямиос тон сярысь малпаны быгато, тон янгышъёстэ ялан ватыны тыршиськод ке?

Нош мар соос малпалозы, тон аслад янгышъёсыд сярысь ватытэк вераськод ке? (Лука 16:10).