44-ТӤ УРОК

Ваньмыз-а шулдыръяськонъёс Инмарлы ярало?

ЛЭЗЁНО

Иеговалэн потэ, ми шумпотыса мед уломы но дырын-дырын асьмелы праздникъёс мед лэсьтомы шуыса. Но вань сыӵе праздникъёс но шулдыръяськонъёс, кудъёсыз Иеговалы уг ярало. Соин ик милемлы умой-умой малпаськоно, куке бырйиськомы, мыноно-а, ӧвӧл-а сояз яке таяз празднике. Озьы ми Иеговаез яратэммес возьматомы.

1. Малы тросэз праздникъёс Иеговалы уг ярало?

Тӥ паймоды, дыр, но тросэз праздникъёс Иеговалы уг ярало, малы ке шуоно соос зэмос луисьтэм религиысь пото. Сыӵе праздникъёс дыръя адямиос лэсьто сое, мар Иеговалы уг кельшы. Кылсярысь, периосты куноятыны яке улляны тыршо, мар ке но каро, арзы яке улонзы мед удалтоз шуыса. Нош куд-ог праздникъёс дыръя оскемзэс возьмато, адямилэн лулыз уг кулы шуыса. Иегова вера аслаз ужась-тыршисьёсызлы: «Соос пӧлысь потэлэ, соослэсь люкиське... мар чылкыт ӧвӧл, со борды эн йӧтӥське» (2 Коринфъёслы 6:17) a.

2. Кызьы Иегова учке праздникъёс шоры, кудъёсаз адямиосты данъяло?

Иегова вера, адями вылэ оскиськоно ӧвӧл шуыса. (Лыдӟе Иеремиялэсь 17:5.) Нош куд-ог праздникъёсын данъяло кивалтӥсьёсты. Мукетаз праздникъёсын данъяло кункышетэз, кыӵе ке организациез яке движениез (1 Иоанн 5:21). Озьы ик вань праздникъёс, кудъёсыз сӥземын кыӵе ке азинсконъёслы яке эрик басьтонлы. Мар Иегова малпалоз, ми пыриськимы ке празднике, кудӥз данъя адямиез яке организациез, уката ик соослэн учконъёссы пумит луо ке Иеговалэн учконэзлы?

3. Адямиослэн асьсэды кызьы воземзы праздникез ярасьтэм каре?

Инмарлы уг ярало праздникъёс яке шулдыръяськонъёс, кытын адямиос «вина юыса, трос сиыса но юыса» уло (1 Пётр 4:3). Куддыръя кыӵе ке праздник карыкузы яке шулдыръяськон ортчытыкузы, адямиос визьзэс ыштытозь ик юо, асьсэды возьыттэм возё но мар каремзэс уг валало ни. Нош милям Инмарлы ярамон луэммы потэ ке, сыӵе шулдыръяськонъёсы пыриськоно ӧвӧл.

МУРГЕС ЭСКЕРЕ

Ойдолэ тодомы, мар юрттоз Иеговалы ярамон ужпум кутыны, куке малпаськиськомы, мыноно-а, ӧвӧл-а сояз яке таяз празднике.

4. Эн пусъе праздникъёсты, кудъёсыз Инмарлы уг ярало

Лыдӟе Ефесъёслы 5:10 но та юанъёслы валэктонъёс сётэ:

Мар юрттоз ужпум кутыны, пусъёно-а, ӧвӧл-а со яке та праздникез?
Кыӵе праздникъёсты тӥ палан пусъё?
Кызьы тӥ малпаськоды, кельшо-а со праздникъёс Иеговалы?

Кылсярысь, тӥ куке малпаськиды-а, кызьы учке Иегова, куке адямиос вордскем нуналъёссэс пусъё? Библиын нокытын но верамын ӧвӧл, Иеговалэн ужась-тыршисьёсыз вордскем нуналъёссэс пусйизы шуыса. Но отын верамын, кызьы вордскем нуналзэс пусйизы кык адямиос, кудъёсыз Иеговалы ӧз йыбыртъялэ. Лыдӟе Улон-вылонэз 40:20—22 но Матфейлэсь 14:6—10 но та юанъёслы валэктонъёс сётэ:

Мар огкадез та кык учыръёсын?
Та учыръёсты лыдэ басьтыса, кызьы Иегова учке вордскем нуналъёсты пусъён шоры?

Оло нош, тӥ малпаськоды: «Иегова уг но чакла, дыр, пусйисько-а мон, уг-а вордскем нуналъёсты но со выллем праздникъёсты». Лыдӟе Потонэз 32:1—8. Собере учке ВИДЕОРОЛИКЕЗ но та юанъёслы валэктонъёс сётэ:

ВИДЕОРОЛИК: «Праздникъёс, кудъёсыз Инмарлы уг кельшо» (5:07)

Малы тодыны кулэ, кельше-а Иеговалы соиз яке таиз праздник?
Кызьы сое тодыны луоз?

Кызьы тодоно, яра-а Инмарлы, уг-а соиз яке таиз праздник

Герӟаськемын-а та праздник зэмос луисьтэм религиен? Тодэ, кытысь потэмын та праздник.
Та праздник дыръя данъялозы-а кыӵе ке адямиез, организациез яке кункышетэз? Данъяны кулэ Иеговаез гинэ. Со гинэ дуннеысь вань шуг-секытъёсты быдтоз.
Пумит уг луы-а со, мар карозы та праздник дыръя, Иеговалэн куронъёсызлы? Милемлы чылкыт луыны кулэ.

5. Юрттэ мукетъёсызлы тӥлесьтыд учконъёстэс гажаны

Куке милемыз кужмысь мыныны косо празднике, кудӥз Иеговалы уг кельшы, секыт луэ «уг» шуыны. Но сыӵе дыръя быгатоно адямилы лякытэн но гажаса валэктыны, малы ми отчы ум мынӥське. Тани, кылсярысь, кызьы сое лэсьтыны луоз. Учке ВИДЕОРОЛИКЕЗ.

ВИДЕОРОЛИК: «Учконъёсыд сярысь гажаса вера» (2:01)

Лыдӟе Матфейлэсь 7:12 но та юанъёслы валэктонъёс сётэ:

Та кылбурез лыдэ басьтыса, кулэ-а милемлы вераны ӵыжы-выжыосмылы, кудъёсыз Иеговалы уг оско, со яке та праздникез пусйыны уг яра шуыса?
Тӥ ӵыжы-выжыосыныды ӵош праздникъёсты уд пусйиське ке но, кызьы соослы возьматыны быгатоды, тӥ соосты яратӥськоды но дунъяськоды шуыса?

6. Иеговалэн потэ, ми шудоесь мед луомы шуыса

Иеговалэн потэ, эшъёсынымы, ӵыжы-выжыосынымы ӵош люкаськыса, ми шумпотон мед басьтомы шуыса. Лыдӟе Екклесиастэз 8:15 но та юанъёслы валэктон сётэ:

Кызьы та кылбурысь адӟиське, Иеговалэн потэ, ми шудоесь мед луомы шуыса?

Иеговалэн потэ, солэн калыкез шум мед потоз но дырзэ шулдыр мед ортчытоз шуыса. Со понна со сётӥз калыккуспо конгрессъёсты. Учке ВИДЕОРОЛИКЕЗ но асьтэос сое адӟе.

ВИДЕОРОЛИК: «Калыккуспо конгрессъёс дыръя куно пумитан» (5:40)

Лыдӟе Галатъёслы 6:10 но та юанлы валэктон сётэ:

Праздникъёс дыръя гинэ-а мукетъёсызлы «ӟеч уж» лэсьтыны луэ?
Ку тӥ тросгес шумпотон басьтӥськоды: куке тӥледлы кулэ кузьым кузьманы яке тӥляд потэ сое кузьмамды?
Куд-ог Адӟись-Ивортӥсьёс нылпиоссылы праздникъёс лэсьтыло но кузьымъёс кузьмало. Тӥляд нылпиосты вань ке, малпаське, мар тӥ лэсьтыны быгатоды, соосты шумпоттон понна.

КИН КЕ НО ВЕРАНЫ БЫГАТОЗ: «Малы одно ик тодыны кулэ, маин герӟаськемын та праздник? Ми семьяен но ӵыжы-выжыосын ӵош дырмес ортчытыны люкаськиськомы ук».

Мар тӥ верасалды?

ТОДЭ ВАЁН

Иеговалэн потэ, ӵыжы-выжыосынымы но эшъёсынымы ӵош люкаськыса, ми шумпотон мед басьтомы шуыса. Но солэн уг поты, ми солы ярасьтэм праздникъёсты мед пусъёмы шуыса.

Мае тон тодӥд?

Кыӵе юанъёс вылын малпаськоно, тодон понна, кызьы Иегова учке соиз яке таиз праздник шоры?
Кызьы валэктоно эшъёсмылы но ӵыжы-выжыосмылы, ми праздникъёсты ум пусъе ни шуыса?
Кытысь ми тодӥськомы, Иеговалэн потэ, ми шудоесь мед луомы но дырмес шулдыр мед ортчытомы шуыса?

Гожтэ, ку ортчиды урокез:

Уж

Тодады вае, мае тӥ тодӥды та урокысь, но малпаське, ярало-а Иеговалы праздникъёс, кудъёссэ тӥ палан пусъё.

Мукетыз:

Your other goal