Кивалтӥсь кенешлэсь гожтэт
«Тӥ дышетӥсь луыны кулэ»,— верамын Еврейёслы 5:12. Малпа гинэ, Иегова, Быдэс Дуннеысь самой умой Дышетӥсь, оскиз милемлы мукетъёссэ дышетыны! Иегова сярысь зэмлыклы дышетыны — семьяын, кенешын яке тодытон ужын — со бадӟым дан но бадӟым уж. Мар кароно, со ужез быдэстон понна?
Валэктон ми шедьтомы Павеллэн кылъёсысьтыз, кудъёссэ со Тимофейлы гожтӥз: «Калыклы Священной Гожтэмез лыдӟы, визь-нод сёткаса, дышетыса ул соосты». Озьы ик, Павел ватсаз на: «Тазьы лэсьтыса, астэ ачид утёд, тонэ кылзӥськисьёсты но» (1 Тим. 4:13, 16). Ивор, кудзэ ми адямиослы вераськомы, соослэсь улонзэс утьыны быгатэ. Соин ик туж кулэ дышетскыны устогес лыдӟиськыны но дышетыны. Та брошюра юрттоз тыныд. Учкомы солэсь куд-ог аспӧртэмлыкъёссэ.
Библиысь кылбуръёс, кудъёсыз брошюралэн котькуд бамаз гожтэмын,— со яке возет, кудӥз уроклэсь валтӥсь малпанзэ пусъе, яке пример, кызьы со малпанэз уже кутоно.
Иегова кадь Визьнодась нокин но ӧвӧл ни (Иов 36:22). Та брошюра юрттоз тыныд дышетскыны устогес лыдӟиськыны но дышетыны. Но тодад возь: адямиосты дораз вае ачиз Иегова, со солэн иворез (Иоанн 6:44). Соин ик тросгес вӧсяськы, святой дух курыса. Ӵемгес Библиез уже кут. Вера озьы, адямиос мед валалозы, тон Иеговалэсь иворзэ вераськод шуыса, аслэсьтыд ӧвӧл. Юртты кылзӥсьёсыдлы вань сюлмынызы Инмарез яратыны.
Тыныд оскемын адямиослы самой кулэ луись иворез вераны, кудзэ адямиос куке но кылӥзы. Ми оскиськомы, тон ужад-тыршид ке «сыӵе кужымен, кудзэ тыныд Инмар сётэ», тон азинлыко луод но тыныд сётэм ужез быдэстыны быгатод! (1 Пётр 4:11).
Тон кадь ик дышетӥсьёс,
Иеговалэн Адӟись-Ивортӥсьёсызлэн Кивалтӥсь кенешсы
