Библия люкиськыны лэзе. Нош со понна одӥг гинэ муг вань. Иисус со сярысь тазьы вераз: «Кин, азон-калгон [кузпалыз луисьтэм пиосмуртэн яке кышномуртэн ӵош кӧлан] сьӧлыке пырымтэ кышноеныз люкиськыса, мукетсэ кышно басьтэ ке, со азон-калгон сьӧлыке пыре; люкиськем кышномуртэз кузпал вайись но азон-калгон сьӧлыке пыре» (Матфей 19:9).

 Инмар адӟемпотостэм каре люкиськонэз, озьы ик соин герӟаськем пӧяськонэз но оскымон луымтэез. Со кылкутытоз соосты, кинъёс огшоры мугъёсын сэрен кузпалзэс кельто, тужгес но соку, куке мукет адямиен кузпалъяськыны малпало (Малахия 2:13—16; Марк 10:9).