Кулэ. Инмарлэн потэ, адямиос, ӵош люкаськылыса, солы мед йыбыртъялозы шуыса. Библиын гожтэмын: «Огмылы огмы юрттӥськыса уломе, яратыса, ӟеч ужъёс лэсьтыса улыны мылкыдмес ӝутоме. Огазьын вӧсяськонъёсы ветлытэк ум улэ» (Еврейёслы 10:24, 25).

 Иисус Христос вераз дышетскисьёсызлы: «Куспады яратонды луиз ке, тӥ Мынам дышетскисьёсы шуыса, тӥледыз ваньмыз тодмалозы» (Иоанн 13:35). Озьы Иисус возьматӥз, солэн дышетскисьёсыз одӥг религиозной группа луозы шуыса. Огазе люкаськылыса но огкылысь улыса, соос возьматозы, соос куспын яратон вань шуыса. Христос сьӧры мынӥсьёс кенешъёсы огазеямын луозы, Инмарлы ӵош йыбыртъян понна (1 Коринфъёслы 16:19).

Кыӵе ке религиозной организация пӧлы пырыны гинэ тырмыт ӧвӧл

 Библиын верамын ке но, Инмарлы йыбыртъян понна, огазе люкаськылыны кулэ шуыса, со гинэ тырмыт ӧвӧл. Инмарлы ярамон луон понна, Библиысь куронъёсъя улоно. Адямилэн быдэс улонысьтыз адӟиськыны кулэ, со Инмарлы оске шуыса. Соин Библиын верамын: «Инмар азьын, Атай азьын ярамон дун-чылкыт осконэн шонер улон луэ со: анайтэк-атайтэк кылем нылпиослы, палкышноослы ёрмыса-ӟудыса улон дыръязы юрттӥськон но та дуннелэн уродэныз-лекеныз саптаськытэк астэ ачид утьыса возён» (Иаков 1:27).