2022 жил, 19-майда, 75тин артуқ жуқури дәриҗилик әмәлдарлар «Аллиқачан COVID-19 тарқилишчан кесили вә һава климат өзгириши сәвәплик, дунияниң яманлишип кәткән ашлиқ кризисини Украинадики уруш техиму еғирлаштуруп, кәң көләмлик ачарчилиқ апити башлинидиғанлиғи, тоғрисида» Бирләшкән Дөләтләр Тәшкилатиниң бехәтәрлик кеңишигә хәвәр бәргән. Узун өтмәй, Англияниң бир гезитида: «Аллиқачан нурғун қийинчилиқларға толуп кәткән бу дуния әндиликтә уруш сәвәплик кәң көләмлик ачарчилиққа дуч келиватиду»,— дәп йезилған («The Economist»). Муқәддәс китапта бундақ ашлиқ кризисиниң йүз беридиғанлиғи алдин ейтилған, шундақтиму ачарчилиққа тәқабил турушимиз үчүн ярдәм беридиған мәслиһәтләр бар.

•    Әйса пәйғәмбәр мундақ дегән: «Хәлиқ хәлиқкә қарши чиқиду, падишалиқ падишалиққа һәм бир җайдин кейин йәнә бир җайда ачарчилиқ вә йәр тәврәшләр йүз бериду» (Мәтта 24:7).

•    Муқәддәс китаптики Вәһий китавида төрт символлуқ чәвәндаз тәсвирләнгән. Уларниң бири урушқа вәкиллик қилиду. Униң кәйнидин ачарчилиққа вәкиллик қилидиған йәнә бири келиду, шу вақитта йемәк-ичмәкләр һәддидин зиядә қиммәт баһада сетилиду. «Қариведим, бир қара атни көрдүм. Атқа мингүчиниң қолида бир тараза бар еди. ... “Бир күнлүк иш һәққи үчүн пәқәт бир тавақ буғдай яки болмиса үч тавақ арпила берилиду...” дегәндәк бир авазни аңлидим» (Вәһий 6:5, 6, ҺЗ).

 Муқәддәс китапта «ахир заман» дәп аталған вақитта, йәни һазир бу бәшарәтләр әмәлгә ашмақта (Тимотийға 2-хәт 3:1). «Ахир заман» вә Вәһий китавида тәсвирләнгән төрт чәвәндаз һәққидә көпирәк билиш үчүн, «Дуния 1914-жилдин башлап өзгәрди» намлиқ видеони көрүң вә «Төрт чәвәндаз улар кимләр?» намлиқ мақалини оқуң.

•    Муқәддәс китапта ашлиқ баһасиниң өсүши, һәтта ашлиқ камчилиғи қатарлиқ қийин әһвалларға тәқабил турушимизға ярдәм беридиған әмәлий мәслиһәтләр бар. «Бариға қанаәт қилип яшаш» намлиқ мақалидин бәзи мисалларни көрүң.

•    Шундақла Муқәддәс китап бизгә үмүт берип, яман вәзийәтниң яхши болуп кетидиғанлиғини бәшарәт қилиду. Униңда «йәр йүзидики һосул мол» болуп, һәммимизниң йемәк-ичмиги мол болидиғанлиғи вәдә қилинған (Зәбур 72:16 [71:16]). Муқәддәс китапта тилға елинған үмүт вә немә үчүн шу үмүткә ишинишкә болидиғанлиғи тоғрилиқ көпирәк билиш үчүн «Әтимиз үчүн гөзәл бир үмүт» намлиқ мақалини оқуң.