Бирләшкән Дөләтләр Тәшкилатиниң баянати:

•   2023-жили, 7-октябрьдин бу ян Газа билән Исраил оттурисидики тоқунушниң нәтиҗисидә 6 400дин көпирәк адәм өлтүрүлди вә 15 200дин көпирәк адәм яриланди. Уларниң көпинчиси дөләтләрниң пухралири. Униңдин башқа, йүз миңлиған кишиләр өй макансиз қалди.

•   2022-жили, 24-сентябрьдин бу ян Россия билән Украинаниң оттурисидики урушниң нәтиҗисидә 9 701 пухра өлтүрүлди вә 17 748 пухра яриланди.

 Муқәддәс китап уруш сәвәплик азап чекиватқанларға қандақ үмүт бериду?

 Муқәддәс Язмиларда Худа «йәр йүзиниң у четидин бу четиғичә урушларни тохтитиду» дәп вәдә бәргәнлиги йезилған (Зәбур 46:9, ЙД). У Өз Падишалиғини, йәни асмандики һөкүмәтни тиклиди. Бу Падишалиқ барлиқ инсаний һөкүмәтләрниң орнини алиду (Даниял 2:44). Худа Падишалиғи инсанийәткә бәхит-саадәт елип келиду.

 Худа Падишалиғиниң Падишаси Әйса Мәсиһниң немиләрни қилидиғанлиғиға диққәт қилиң:

•   «Чүнки у қутқузар налә-пәряд қилғанларни, ярдәмчиси йоқларни вә бечарә аҗизларни. У бечарә вә кәмбәғәлләргә ич ағритар, йоқсулларниң җанлирини қутқузар. У қутқузар зулум вә зораванлиқтин уларни, униң нәзәридә қиммәтликтур уларниң қени» (Зәбур 72:12—14, ЙД).

 Худа Өз Падишалиғи арқилиқ урушлар пәйда қилған барлиқ азап-оқубәтләрни түп йилтизидин қомуруп ташлайду.

•   «Шу чағда Худа уларниң көзидики һәрқандақ яшни сүртиду вә өлүм әнди болмайду йә қайғу, йә жиға-зар, йә ағриқ башқа болмайду. Авалқиларниң барлиғи өтүп кәтти» (Вәһий 21:4).

 Пат арида Худаниң Падишалиғи йәр йүзидә чоң өзгәртишләрни қилиду. Муқәддәс китапта бүгүнки күндә биз көрүватқан урушларниң йүз беридиғанлиғи вә аңлаватқан урушлар һәққидики хәвәрләрниң тарқилидиғанлиғи бәшарәт қилинған (Мәтта 24:6). Бу вә башқа иш-вақиәләр инсаний һөкүмранлиғиниң «ахир күнлиридә» яшаватқанлиғимизни көрситиду (Тимотийға 2-хәт 3:1).