2022-жилниң июль ейи ичидә дунияниң җай-җайлирида кишини чөчүтидиған қураллиқ зораванлиқ вақиәлири йүз бәрди:

•   «Японияниң әң даңлиқ сәясәтчиси [сабиқ баш министр Синдзо Абэниң] өлтүрүлүши, бу дөләттә зораванлиқ җинайитиниң аз йүз бериши вә қурал-ярақ сақлаш қанун түзүминиң чиң болушини нәзәргә алғанда, йүз бәргән вақиә дөләттики пухраларни қайғуға селип, пүтүн дуния кишилирини һәйран қалдурди» (2022-жили, 10-июль, «The Japan Times»).

•   «Даниялиқларни чөчүтти. Копенгаген сода сарийида бир қураллиқ киши үч адәмни етип өлтүрди» (2022-жили, 4-июль, «Reuters»).

•   «Җәнубий Африка: Соуэто шәһәр-базиридики қавақханида қураллиқ кишиләр 15 адәмни етип өлтүрди» (2022-жили, 10-июль, «The Guardian»).

•   «Америкиниң 4-июль байрам күни вә шу һәптидики дәм елиш күнлиридә қураллиқ зораванлиқ вақиәлири йүз берип, 220дин артуқ адәм етип өлтүрүлди» (2022-жили, 5-июль, «CBS News»).

 Бундақ зораванлиқ бир күни ахирлишидиғанлиғиға ишинәмсиз? Муқәддәс китап немә дәйду?

 Муқәддәс китапта биз яшаватқан бу дәвир «ахир заман» дәп аталған болуп, бу заманда нурғун кишиләрниң вәһший, рәһим-шәпқәтсиз вә зораван болидиғанлиғи йезилған (Тимотийға 2-хәт 3:1, 3). Бундақ зораванлиқ сәвәвидин адәмләр қорқунуч ичидә яшайду (Луқа 21:11). Амма Муқәддәс китап пат арида зораванлиқ йоқ болуп, течлиқ һөкүм сүридиған бехәтәр җай-маканларда яшайдиғанлиғимизни вәдә қилиду (Йәшая 32:18). Зораванлиқ қандақ йоқ қилиниду?

 Худа рәзил адәмләрни вә барлиқ қурал-ярақларни йоқитиду.

•   «Қанунсизлар болса, йәрдин қирилип, итаәт бузғучилар қомурулуп ташлиниду» (Пәнд-нәсиһәтләр 2:22).

•   «[Худа] зимин четигичә урушлар тохтатти, оқ-я билән нәйзини сундуруп, җәң һарвуларни отта көйдүрди» (Зәбур 46:9).

 Худа инсанларға тинч яшашни үгитиш арқилиқ зораванлиқниң түп йилтизини йоқ қилиду.

•   «Мениң муқәддәс теғимниң һәммә йеридә һеч зиянкәшлик болмайду; Һеч бузғунчилиқ болмайду; Чүнки худди сулар деңизни қаплиғандәк, пүткүл җаһан Пәрвәрдигарни билиш-тонуш билән қаплиниду» (Йәшая 11:9, Калам тәрҗимиси).

•   Һазирниң өзидә Худа дуния йүзидики адәмләргә зораванлиқ вә қурал ишлитиштин жирақ турушни вә «өз қиличлирини сапан чишлири, нәйзилирини оғақ қилип» соқушни үгитиватиду (Мика 4:3, Калам тәрҗимиси).

 Муқәддәс китаптики қорқунуч болмайдиған дуния һәққидики вәдә тоғрилиқ техиму көпирәк билиш үчүн «Қорқунучтин азат болуш мүмкинму?» намлиқ мақалини оқуң.

 Зораванлиқниң мәңгүгә йоқ қилинидиғанлиғи тоғрилиқ техиму көпирәк билиш үчүн «Йәр шаридики течлиқ!» намлиқ мақалини оқуң.