Дунияниң һәрқайси җайлиридики кишиләр әң жуқури рекорд яратқан иссиқлиққа вә униң арқисида мәйданға кәлгән түрлүк һава райи һадисилиригә бәрдашлиқ бериватиду. Төвәндики хәвәрләргә диққәт қилиң:

•   «Дуния 174 жилдин буян хатирилинип кәлгән йәр шари климатидики әң иссиқ 6 айни баштин кәчүрди». (Америка Сода министирлиги, деңиз-океан вә атмосфера башқуруш идариси, 2023-жил, 13-июль).

•   «Италия, Испания, Франция, Германия вә Польшаниң һәммиси иссиқ һава еқимиға дуч келиватиду, бәлким Сицилия вә Сардиния араллирида һава температуриси 48 цельсий градусқа йетиду. Бу Европа тарихидики әң жуқури температура болуши мүмкин» (Европа аләм қатнаш идариси, 2023-жил, 13-июль).

•   Йәр шариниң иссип кетишигә әгишип, мөлчиримиздин техиму күчлүк, техиму көп, техиму шиддәтлик ямғурларниң йеғишини көрүмиз, буму кәлкүн апитини кәлтүрүп чиқириду» (2023-жил, 13-июль, Дуния метеорология тәшкилати, гидрология, су вә музлуқ қәвити илиминиң баш мудири Стефан Ухленбург).

 Бундақ һәддидин зиядә иссиқ һава райи тоғрилиқ мәлуматларниң көпийиши сизни ғәм-әндишигә саламду? Бу муһим мавзу һәққидә Муқәддәс китапта немә йезилғанлиғини көрүп бақайли.

 Һә. Йәр шари иссиқ һава еқими вә башқа шәкилдики пәвқуладдә һава райи һадисиси Муқәддәс китаптики бәшарәтләрни әмәлгә ашурди. Мәсилән, Әйса пәйғәмбәр бизниң заманимиз тоғрилиқ сөзләп, «дәһшәтлик һадисиләр» яки «һәйвәтлик аламәтләрни» көридиғанлиғимизни алдин бәшарәт қилған еди (Луқа 21:11). Йәр шариниң температуриси өрлиши сәвәплик, нурғун кишиләр инсанийәт йәрни вәйран қилиду дәп қорқиду.

 Яқ. Худа йәр шариниң бизниң мәңгүлүк маканимиз қилип яратқан. У инсанларниң уни һалак қилишиға йол қоймайду (Зәбур 115:16; Вәз 1:4). Әмәлийәттә, Худа Өзи «йәрни гумран қилғучиларни гумран қилиду» (Вәһий 11:18).

 Муқәддәс китапта Худаниң йәр шарини қоғдайдиған күч-қудрити барлиғини вә чоқум тәбиий апәтләрдин қоғдайдиғанлиғи йезилған.

•   «У шувурғанни течлиққа айландуруп, деңиз долқунлири тиничлитатти» (Зәбур 107:29). Яратқучимизниң тәбиәт күчлирини тизгинләш күчи бар. Худа һазир кишиләрни қийниватқан пәвқуладдә һава райи һадисисини кәлтүрүп чиқиридиған муһит мәсилилирини һәл қилалайду.

•   «Йәргә ғәмхорлуғуңни көрситисән. Өстәңләрни суға толтуруп, адәмләргә дан туғдурисән» (Зәбур 65:9). Худаниң бәрикити билән йәр йүзи җәннәткә айлиниду.

 Муһит мәсилиси һәл қилинидиғанлиғи тоғрилиқ Муқәддәс китаптики вәдә һәққидә көпирәк билиш үчүн «Йәр шарини ким қутқузиду?» (рус) дегән мақалини көрүң.