2022-жили Россия Украинаға таҗавуз қилғандин кейин дунияниң һәрқайси җайлиридики һөкүмәтләр һәрбий ишлар үчүн сәрип қилған хираҗәт тарихтики әң жуқури рекордни яратти. Стокгольм хәлиқара течлиқ тәтқиқат орни (SIPRI) 2023-жили апрель ейида бир тәтқиқат доклади елан қилди:

•    Европа дөләтлириниң һәрбий чиқими «бу жил 13 проценттин ашти вә 1991-жили соғуқ мунасивәтләр уруши ахирлашқандин кейин Европа дөләтлири әң көп һәрбий чиқим қилған бир жил болди».

•    «Россия...һәрбий чиқимини 9.2 проценттин ашуруп, дуниядики көп чиқим қилған дөләтләр арисида 5-орундин 3-орунға өтти».

•    Америка йәнила әң көп чиқим қилған 1-орундики дөләт болуп қалған, «дуния һәрбий чиқиминиң 39 процентини егиләйду».

 SIPRI докладини тәйярлаш үчүн бирликтә қәләм тәврәткән язғучиси доктор Нэн Тиән мундақ деди: «Йеқинқи жиллардин буян дунияда һәрбий ишлар чиқиминиң үзлүксиз ешиши бизниң күнсири бехәтәр болмиған дунияда яшаватқанлиғимизниң бәлгүси».

 Муқәддәс китапта бүгүн йәр шаридики дәриҗидин ташқири чоң дөләтләр оттурисидики җиддий тоқунушниң күчийиши алдин бәшарәт қилинған вә течлиқни әмәлгә ашуридиған бирдин-бир үмүт ашкариланған.

•    Муқәддәс китап биз яшаватқан бу вақитни «заман ахири» дәп атайду (Даниял 8:19, ЙД).

•    Даниял китави бу вақитта риқабәтлишидиған дуния күчлири болидиғанлиғини алдин бәшарәт бәргән. Бу дуния күчлири «һуҗум қилиду» яки әң күчлүк дуния күчи орни үчүн тоқунушиду. Бу һәрбий тоқунуш бәк көп «ғәзнә» яки ихтисадий байлиғини сәрип қилишни өз ичигә алиду (Даниял 11:40, 42, 43).

 Муқәддәс китаптики кишини һәйран қалдуридиған бу бәшарәтләр тоғрилиқ техиму көпирәк билиш үчүн «Даниял 11-бап, әмәлгә ашурулған бәшарәт» намлиқ видеони көрүң.

•    Муқәддәс китапта инсанлар қурған һөкүмәтләрниң орниға Худа башқа бир һөкүмәтни қойидиғанлиғи тилға елинған. «Худа мәңгү йоқалмайдиған бир падишалиқни тикләйду. Бу падишалиқ башқа һечбир хәлиқниң қолиға өтүп кәтмәйду. Амма өзи пүтүн падишалиқларни йоқитип һалак қилиду вә ялғуз өзи мәңгү қалиду» (Даниял 2:44, ЙД).

•   Йәһва Худа a пат йеқинда инсанларниң қолидин кәлмигән ишни, йәни һәқиқий вә мәңгүлүк течлиқни әмәлгә ашуриду. Қандақ? Униң асмандики Падишалиқ һөкүмити барчә қурал-ярақларни йоқ қилиду вә барлиқ зораванлиқни ахирлаштуриду (Зәбур 46:8, 9).

 Худа Падишалиғи немиләрни әмәлгә ашуридиғанлиғи тоғрисида техиму көпирәк билиш үчүн «Худаниң Падишалиғида “течлиқниң чеки болмас”» дегән мақалини оқуң.