СӘГӘК ТУРУҢЛАР!
2022-жили қалаймиқанчилиқ көпәйгән бир жил болди. Муқәддәс китап немә дәйду?
2022-жилида уруш, ихтисадий қийинчилиқ вә муһит булғиниши сәвәплик келип чиққан апәтләр һәққидә аңлап турдуқ. Пәқәт Муқәддәс Язмилар бу иш-вақиәләрниң һәқиқий мәнасини чүшәндүрүп бериду.
2022-жили йүз бәргән ишларниң һәқиқий мәнаси
Өткән жил йүз бәргән иш-вақиәләр бизниң Муқәддәс китапта тилға елинған ахир заманниң күнлиридә яшаватқанлиғимизни техиму ениғирақ көрситиду (Тимотийға 2-хәт 3:1). У дәвир 1914-жили башланған. Йеқинда йүз бәргән иш-вақиәләрниң Муқәддәс китаптики бәшарәтләр билән қандақ мас келидиғанлиғиға диққәт қилиң:
«Урушлар» (Мәтта 24:6).
«2022-жили Европа урушниң қорқунучлуқ тәсиригә йәнә учриди» a
«Россия Украинаға тәҗавуз қилди» намлиқ мақалигә қараң.
«Ачарчилиқлар» (Мәтта 24:7).
2022-жили еғир ачарчилиқ йүз бәрди. b
«Украинадики уруш пүтүн дунияда ашлиқ кризисини техиму еғирлаштуриветиду» намлиқ мақалигә қараң.
«Жуқумлуқ кесәлликләр» (Луқа 21:11).
«Балилар паралич кесили қайта пәйда болуп, маймун чечәк кесилиму көпийип кетиватиду, таҗсиман вирус (COVID-19) сәвәплик инсанлар давамлиқ өлүп кетиватиду. Бу вәзийәт жуқумлуқ кесәлликләрниң нәқәдәр хәтәрлик екәнлигини вә инсанларниң қанчилик аҗизлиғини ениқ көрситип бәрди» c.
«6 миллион адәм таҗсиман вирус сәвәплик өлди» намлиқ мақалигә қараң.
«Қорқунучлуқ көрүнүшләр» (Луқа 21:11).
«Иссиқ һава еқими, қурғақчилиқ, орман от апити, кәлкүн бесип кетиштәк апәтләр йүз бәрди. 2022-жили язда дунияниң җай-җайлирида һава температурисиниң һәддидин зиядә өрләп кетиши сәвәплик инсанлар һалакәткә дучар болди, йүз миңлиған адәмләр һаятидин айрилди вә миллионлиған кишиләр өй-маканлирини ташлап, башқа дөләтләргә көчүп кетишкә тоғра кәлди» d.
«Пүтүн дунияда температураниң һәддидин зиядә өрләп кетиши» намлиқ мақалигә қараң.
«Қалаймиқанчилиқлар» (Луқа 21:9).
Кишиләр ихтисадий қийинчилиқлар, болупму пул пахаллиғи күчийип, қаттиқ ғәзәпләнгәч, 2022-жилида һөкүмәтләргә қарши нәмайишлар жуқури пәллигә көтүрүлди. e
«Дуния йүзидә баһаларниң күндин-күнгә өсүши» намлиқ мақалигә қараң.
Келәр жили немә ишлар йүз бериду?
Һечким 2023-жилида немә ишлар йүз беридиғанлиғи һәққидә ениқ бир нәрсә дейәлмәйду. Лекин биз шуни билимизки, Худа Падишалиғи, йәни асмандики Падишалиқ пат йеқинда дуниядики ишларға арилишип, нурғун өзгәртишләрни қилиду (Даниял 2:44). Бу Падишалиқ инсанларниң азап-оқубәтлириниң мәнбәсини йоқ қилиду вә Худаниң ирадисиниң йәр йүзидә әмәлгә ешишиға капаләтлик қилиду (Мәтта 6:9, 10).
Биз силәрни Әйса пәйғәмбәрниң мәслиһитигә қулақ селишқа вә сәгәк туруп, дунияда йүз бериватқан иш-вақиәләрниң Муқәддәс китаптики бәшарәтлирини қандақ әмәлгә ашуридиғанлиғиға диққәт қилишқа дәвәт қилимиз (Марк 13:37). Муқәддәс китап һазирниң өзидә сизгә қандақ ярдәм берәләйдиғанлиғи һәмдә сиз вә аилиңизни келәчәккә болған әҗайип үмүткә қандақ ериштүрәләйдиғанлиғи һәққидә көпирәк билим елишни халисиңиз, биз билән алақә қилишиң.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Буларғиму қизиқишиңиз мүмкин
МУҚӘДДӘС КИТАП. СОАЛ-ҖАВАП
«Ахирқи күнләрниң», йәни ахир заманниң бәлгүлири немә?
Муқәддәс Язмилардики бәшарәтләр бирла вақитта йүз беридиған көплигән иш-вақиәләр вә вәзийәтләр «ахир заманниң» бәлгүлири яки аламәтлири екәнлигини көрситиду.
МУҚӘДДӘС КИТАПНИҢ АСАСИЙ ТӘЛИМЛИРИ
Худа Падишалиғи дегән немә?
Әйса пәйғәмбәр йәрдә хизмәт қилғанда, асасән Худа Падишалиғи һәққидә тәлим бәргән. Әсирләр бойи униң шагиртлири Худа Падишалиғи кәлсун дәп дуа қилған.
БИЗ ҺӘҚҚИДӘ
Йолуқушни илтимас қилиң
Муқәддәс китаптики соални муһакимә қилиң яки Йәһва гувачилири тоғрилиқ көпирәк билиң.
