Һә. Зөрүр әмәс әһвалда пәқәт шу иккиси биргә қонуп қалғанлиғи уларниң җинсий әхлақсизлиқ қилғанлиғиға күчлүк испат болалайду. Шу сәвәптин, әгәр һечқандақ бир муһим сәвәви болмиса, сот комитетини тәшкилләш лазим (Коринтлиқларға 1-хәт 6:18).

Ақсақаллар кеңиши сот комитетини тәшкилләшниң зөрүр яки зөрүр әмәслигини қарар қилиш үчүн һәрбир вәзийәтни әстаидил қарап чиқиду. Мәсилән, улар төвәндики вәзийәтләрни ениқлайду: Улар муһәббәтлишип жүргәнму? Ақсақаллар бурун иккисиниң мунасивити һәққидә уларға мәслиһәт бәргәнму? Улар немә сәвәптин кечидә биргә қонуп қалған? Шундақ қилишни алдин-ала план қилғанму? Уларниң биргә қонуп қалмаслиғи үчүн башқа амаллар тепилаттиму? Йә болмиса күтүлмигән вақиә яки җиддий әһвал түпәйлидин биргә қонуп қелиштин башқа амаллири йоқ болғанму? (Вәз 9:11). Улар қәйәрдә ухлиди? Һәрбир вәзийәт бир-биригә охшимайду, шуңа ақсақалларниң қарариға тәсир қилидиған башқа сәвәпләрму болуши мүмкин.

Ақсақаллар кеңиши һәммә тәпсилатларни муһакимә қилғандин кейин, сот комитетини тәшкилләшниң зөрүр яки әмәслигини қарар қилиду.