Сиз мошу жилдики «Күзитиш мунари» журналлирини көңүл қоюп оқудиңизму? Төвәндики соалларға җавап берәләмсиз?

Яқуп 5:11-айәт Йәһваниң меһир-шәпқити вә рәһимдиллиғи һәққидә немә дәйду?

Биз шуни яхши билимизки, Йәһваниң Өз рәһимдиллиғини көрситишиниң бир йоли — өткүзгән хаталиқлиримизни кәчүрүш. Яқуп 5:11-айәттә йезилғандәк, Йәһва Худаниң меһир-муһәббити Уни бизгә ярдәм беришкә дәвәт қилиду. Йәһва Худани үлгә қилсақ, яхши қилған болимиз (w21.01 21-б.).

Немә үчүн Йәһва Худа башчилиқни орунлаштурған?

Йәһва Худа Өз аилисини яхши көргәч, башчилиқни орнатқан. Худа орунлаштурған башчилиқ принципи Униң аилисиниң тинчлиқ вә тәртип ичидә өз ара һәмкарлишишиға имканийәт яритип бериду. Бу орунлаштурушқа мас иш қилған һәрбир аилә әзаси ахирқи қарарни ким чиқиридиғанлиғини вә ким уни әмәлгә ашуридиғанлиғини яхши билиду (w21.02 3-б.).

Немә үчүн Худа хизмәтчилири торда иҗтимаий алақә қилип, учурларни әвәткәндә, пәхәс болуши керәк?

Әгәр бири иҗтимаий алақә программилирини ишләтсә, пәхәс болуши керәк. Тор арқилиқ алақә қилиш топи бәк чоң болса, ким билән параңлишишни таллаш бәк қийин болғач, алаһидә еһтиятчан болуш керәк (Тим. 1-х. 5:13). Тор алақә программилири арқилиқ ениқ тәкшүрүлмигән хәвәрләрни тарқатсақ яки алақилишиш тизимлигидики қериндашлардин пайдилинип пул тепишқа урунсақ, буму хәтәрлик иш (w21.03 31-б.).

Немә үчүн Худа Өз Оғлиниң азап-оқубәт чекишигә йол қойған? Буниң қандақ сәвәплири бар?

Йәһудийларни ләнәттин азат қилиш үчүн Әйса түврүккә миқлиниши керәк еди (Гал. 3:10, 13). Йәһва Худа Мәсиһ Әйсани Баш роһаний сүпитидә кәлгүсидә хизмәт қилишқа тәйярлимақчи болған. Әйса Мәсиһ өз садақәтмәнлигини сақлап, бизниңму садақәтмәнликни сақлап қалалайдиғанлиғимизни испатлиған (Аюп 1:9—11) (w21.04 16, 17-б.).

Вәз хизмәттә адәмләрни тепиш қийин болса, немә қилсиңиз болиду?

Биз адәмләр өйидә болидиған вақитта вәз қилсақ, көпирәк адәмләрни тапалаймиз. Охшимиған җайларда адәмләрни тепишқа тиришиң. Охшимиған усулда вәз қилиң, мәсилән хәт йезиң (w21.05 15, 16-б.).

Паулниң: «Қанун арқилиқ, қанунға нисбәтән өлдүм» дегән сөзлири немини билдүриду? (Гал. 2:19)

Қанун кишиләргә инсанларниң намукәммәл, гунакар екәнлигини ашкарә қилған вә вәдә қилинған әвлатниң Мәсиһ Әйса екәнлигини тонуп йетишигә ярдәм бәргән (Гал. 3:19, 24). Паул Тәврат қануни арқилиқ Әйсани қобул қилған. Шу арқилиқ Паул Тәврат «қанунға нисбәтән» өлгән вә әнди Тәврат қануниниң чәклимиси астида болмиған (w21.06 31-б.).

Сәвир-тақәт көрситиштә Йәһва Худа қандақ есил үлгә көрсәтти?

Йәһва Өз исмиға һақарәт қилинғанлиғиға, Униң һөкүмранлиқ һоқуқиға қарши чиққанлиғиға, Униң бәзи пәрзәнтлири исиян көтәргәнлигигә, Шәйтан тохтимай ялғанчилиқ қиливатқанлиғиға, Йәһва әзизлигән хизмәтчиләр азап-оқубәт чекиватқанлиғиға, У йеқин достлиридин айрилғанлиғиға, рәзил инсанларниң башқиларни езишигә, инсанлар барғансири әхлақсиз һаят кәчүрүватқанлиғиға вә инсанлар мәвҗудатларни вәйран қиливатқанлиғиға сәвирчанлиқ көрситип келиватиду (w21.07 9—12 б.).

Йүсүпниң мисалидин сәвирчан болуш һәққидә немини үгинәләймиз?

Йүсүп акилириниң яман муамилисигә учриғанда, бәрдашлиқ бәргән. Нәтиҗидә, у ялған әйиплинип, узун жиллар Мисирда түрмидә ятқан (w21.08 12-б.).

Һагай 2:6—9, 20—22 айәтләрдә қандақ символлуқ тәвритиш һәққидә йезилған?

Әлләр Падишалиқ хуш хәвирини рәт қилған болсиму, амма көплигән адәмләр һәқиқәткә җәлип қилиниватиду. Пат арида әлләр йоқ қилинип, зил-зилигә кәлтүрүлиду (w21.09 15—19 б.).

Немә үчүн вәз хизмитини давамлаштурушимиз керәк?

Вәз хизмәттә тиришчанлиғимизни көрсәтсәк, Йәһва Худаниң көңли бәк сөйиниду. Бәл қоювәтмәй вәз хизмитини давамлаштурсақ, Йәһва Худа вәдә қилған мәңгүлүк һаятлиқ һосулини жиғимиз (w21.10 25, 26-б.).

Қандақларчә Лавийлар 19-бап «Барлиқ ишлириңларда муқәддәс болуңлар» дегән мәслиһәтни әмәлий қоллинишқа ярдәм бериду? (Пет. 1-х. 1:15)

Әлчи Петрус 15-айәттә Лавийлар 19:2-айәтни нәқил кәлтүргән. Лавийлар 19-бапта һәр түрлүк ишларда қандақ муқәддәс болуш керәклиги һәққидә йезилған (w21.12 3, 4-б.).