Бәзи Йәһва гувачилири уруқ-туққанлар яки башқа гувачилар билән алақә қилиш үчүн заманавий пән-техника васитилирини қоллиниду. Әлвәттә, роһий җәһәттин йетилгән қериндаш, мундақ нәсиһәткә қулақ салиду: «Зерәк киши балаю қазани алдин көрүп қачар, саддилар алдиға берип зиян тартар» (Пәнд н. 27:12).

Йәһва Худаниң бизни һимайә қилмақчи екәнлигини чүшинимиз. Демәк, биз бөлгүнчиликни пәйда қилидиған, җамаәттин чиқирилған яки ялған тәлимләрни үгитидиған адәмләр билән алақә қилмаймиз (Рим. 16:17; Кор. 1-х. 5:11; Йоһ. 2-х. 10, 11). Бәзи қериндашлар яки җамаәт билән арилишидиған бәзи кишиләр, Муқәддәс китап қанунлириға бойсунмаслиғи мүмкин (Тим. 2-х. 2:20, 21). Достларни таллиғанда буни әстә тутушимиз керәк. Иҗтимаий алақә васитилирини ишләткәндә, яхши достларни тепиш қийин болуши мүмкин.

Тор арқилиқ алақә қилиш топи бәк чоң болса, биз техиму пәхәс болушимиз керәк. Бәзи етиқатдашлар чоң бир топларға кирип, яман тәсиргә учриған. Алақә топи йүзлигән яки миңлиған адәмләрдин ибарәт болса, қериндашлар қандақ пәхәс болалайду? Шундақ чоң топ әзалириниң ким екәнлигини вә уларниң роһий әһвалини билиш мүмкин әмәс. Зәбур 26:4-айәттә мундақ дәп йезилған: «Сахтипәз киши билән олтармаймән вә мәккарлар билән жүрмәймән». Бу айәт учурларни пәқәт шәхсән тонуйдиған адәмләргә әвәтиш дана қарар екәнлигини тәстиқләйду.

Һәтта алақә топи кичик болсиму, Худа хизмәтчиси қанчә вақит сәрип қилидиғанлиғи вә немә һәққидә параңлишидиғанлиғиға диққәт қилиши лазим. Учурлар мәйли немә һәққидә болсун яки вақтимизни алсун, биз уларға җавап беришимиз шәрт, дәп ойлимаслиғимиз керәк. Әлчи Паул Тимотийни ғевәт қилидиған вә башқиларниң ишиға арилишидиған адәмләр һәққидә агаһландурған (Тим. 1-х. 5:13). Бүгүнки күндә электронлуқ алақә васитилири арқилиқ ғевәт қилиш вә башқиларниң ишиға арилишиш кәң умумлашқан.

Роһий җәһәттин йетилгән қериндашлар етиқатдашлири тоғрисида қилинған тәңқитләрни яки мәхпий мәлуматни тиңшимайду вә өзиму башқиларға шундақ мәлуматни тарқатмайду (Зәб. 15:3; Пәнд н. 20:19). У йәнә наһайити ашуруветилгән мәлуматтин яки ахириғичә тәкшүрүлмигән хәвәрдин нери туриду (Әфәс. 4:25). Биз Муқәддәс китапқа асасланған ишәнчлик мәлуматларға еришәләймиз. Уларни jw.org торбетидин яки JW интернет телевизиясиниң айлиқ программилиридин тапалаймиз.

Бәзи қериндашлар электронлуқ алақә васитилирини бирнәрсини сетивелиш яки өз тиҗаритини риваҗландуруш үчүн ишлитиду. Бундақ сода-сетиқ ишлириниң Йәһваға ибадәт қилиш билән һечқандақ бағлиниши йоқ. Пулпәрәсликтин нери туридиған қериндаш, көпирәк пул тепиш мәхситидә қериндашлардин пайдиланмайду (Ибр. 13:5).

Ярдәмгә муһтаҗ яки тәбиий апәткә учриған қериндашлиримизға ярдәм бериш үчүн алақә топлири арқилиқ пул жиғиш тоғра усулму? Адәттә биз меһир-муһәббитимизни бир-биримизгә тәсәлли бериш яки сәмимий қизиқиш арқилиқ көрситимиз (Яқуп 2:15, 16). Бирақ әгәр биз чоң алақә топи арқилиқ пул жиғишқа һәрикәт қилсақ, Бәйтәл яки җамаәт уюштурған яхши чарә-тәдбирләргә кашила қилишимиз мүмкин (Тим. 1-х. 5:3, 4, 9, 10, 16). Әлвәттә, башқиларниң бизниң қериндашларға алаһидә ярдәм беришкә мүмкинчилигимиз бар, дәп ойлап қелишини халимаймиз.

Биз Худаға шан-шәрәп кәлтүрүшни халаймиз (Кор. 1-х. 10:31). Иҗтимаий алақә васитилирини яки торбәтләрни ишлитишини халисиңиз, пәйда болуши еһтималлиғи болған хәтәрләр һәққидә ойлинип көрүп, еһтиятчанлиқ билән иш қилиң.