БУ НЕМӘ ҮЧҮН МУҺИМ? Йәһва мәңгү һаятни қобул қилишқа майил болған адәмләрниң қәлбидә һәқиқәт уруғини өстүриду (Әлч 13:48; К1х 3:7). Диққитимизни билгәнлирини әмәлийәттә қолланғуси кәлгән адәмләргә ағдурсақ, Йәһва билән һәмкарлишимиз (К1х 9:26). Муқәддәс китапни үгәнгүчиләр қутқузулуш үчүн чөмдүрүлүш мәрасимидин өтүшниң муһим екәнлигини чүшиниши керәк (Пт1х 3:21). Биз уларға Әйсаниң әгәшкүчиси болуш үчүн, һаятини өзгәртишкә, вәз хизмәткә чиқишқа, башқиларни үгитишкә вә өзини Йәһва Худаға беғишлашқа ярдәм берәләймиз (Мт 28:19, 20).

БУНИҢ ҮЧҮН НЕМӘ ҚИЛИШ КЕРӘК?

• Үгинишниң мәхсити бирдин-бир һәқиқий Худани тонуп-билиш вә Униң көңлини хурсән қилиш екәнлигини үгәнгүчиләрниң есигә селип туруң (Йоһ 17:3)

• Уларға роһий җәһәттин өсүш үчүн тосалғулуқ қиливатқан яман адәтләрдин вә чәк-чегариси ениқ болмиған мунасивәтни үзүшкә нери болушқа ярдәм бериң

• Уларға чөмдүрүлүштин авал вә униңдин кейинму яр-йөләк болуң (Әлч 14:22)

«ЙӘҺВА ХУДА СИЗГӘ ЯРДӘМ БЕРИДУ» НАМЛИҚ ВИДЕОНИ КӨРҮП, ТӨВӘНДИКИ СОАЛЛАРҒА ҖАВАП БЕРИҢ:

• Йәһваға өзини беғишлашқа вә чөмдүрүлүштин өтүшкә қандақ ғәм-тәшвишләр тосалғу болуши мүмкин?

• Ақсақаллар Муқәддәс китапни үгәнгүчиләрниң роһий җәһәттин өсүшигә қандақ ярдәм берәләйду?

• Йәшая 41:10дин Йәһва һәққидә немини үгинимиз?

• Камилсиз болсақму, Йәһваға лайиқ хизмәт қилишқа қандақ хисләтләр ярдәм бериду?