Қизғин сөз қилиш башқиларни роһландуриду вә адәмләрниң диққитини җәлип қилиду. Қизғинлиқ билән сөзлисәк, сөзүмизниң җени болиду вә бу үгәткәнлиримизгә өзүмиз ишинидиғанлиғимизни көрситиду. Келип чиқишимиз вә мүҗәз-хулқимиз мәйли қандақ болсун, қизғин сөзләшни үгинәләймиз (Рм 12:11). Қандақ қилип?

Биринчидин, сөзлириңизниң муһимлиғи тоғрилиқ ойлиниң. Йәһва Худа сизгә башқиларға хуш хәвәрни ейтиш шан-шәривини тапшурғанлиғини унтумаң (Рм 10:15). Иккинчидин, һәқиқәт адәмләрниң һаятини қандақ яхши тәрәпкә өзгәртидиғанлиғи тоғрилиқ ойлиниң. Бу уларниң һаятини сақлап қелиши мүмкин (Рм 10:13, 14). Үчинчидин, тәсирлик сөзләң. Ишарәтлириңиз вә чирай ипадиңиз тәбиий болуши керәк.

«ШАГИРТ ТӘЙЯРЛАШТА ХОШАЛЛИҚ ТЕПИҢ. МАҺАРИТИҢИЗНИ АШУРУҢ. ҚИЗҒИНЛИҚ БИЛӘН ҮГИТИШ» НАМЛИҚ ВИДЕОНИ КӨРҮП, ТӨВӘНДИКИ СОАЛЛАРҒА ҖАВАП БЕРИҢ:

• Джейд билән Муқәддәс китапни үгиниш немә сәвәптин Нитаға бурунқидәк хошаллиқ елип кәлмиди?

• Нитаға тәсирлик үгитишкә немә ярдәм бәрди?

• Немә үчүн биз тиңшиғучиларниң яхши хисләтлиригә диққәт ағдурушимиз керәк?

• Қизғинлиғимиз башқиларға, шу җүмлидин Муқәддәс китапни үгиниватқанларға қандақ тәсир қилиши мүмкин?