МӘСИҺИЙ ҺАЯТИМИЗ
Йәһва Худаға тайинишниң үч йоли
Давут Йәһва Худаға таянғанлиқтин Ғолиятни йәңгән (С1я 17:45). Йәһва Худа һәммә хизмәтчилиригә ярдәм қилишни халайду (Т2я 16:9). Биз өз тәҗрибимиз билән қабилийитимизгә әмәс, Йәһва Худаниң ярдимигә қандақ тайиналаймиз? Буниң үч йолини көрәйли:
-
Пат-пат дуа қилиш. Хаталиқ қилғандин кейин кәчүрүм сорап дуа қилипла қоймай, езиқишларға учриғанда күч сораң (Мт 6:12, 13). Қарар чиқирип болғандин кейин Йәһвадин уни бәрикәтләшни сорапла қоймай, қарар қилиштин авал Униңдин рәһбәрлик вә даналиқ сорап дуа қилиң (Яқ 1:5).
-
Муқәддәс китапни дайим оқуш вә үгиниш. Муқәддәс китапни һәр күни оқуң (Зб 1:2). Муқәддәс китаптики мисаллар тоғрилиқ чоңқур ойлинип, үгәнгәнлириңизни әмәлийәттә қоллиниң (Яқ 1:23—25). Тәҗрибиңизгә тайинишниң орниға, вәз хизмитигә тәйярлиқ қилиң. Учришишларниң толуқ пайдисини көрүш үчүн пухта тәйярлиниң.
-
Йәһва Худаниң тәшкилати билән һәмкарлишиш. Тәшкилатниң әң ахирқи көрсәтмилиридин хәвәрдар болуп, уларни дәрру орунлаң (Сн 9:17). Ақсақалларниң нәсиһити вә көрсәтмилиригә қулақ селиң (Иб 13:17).
«ЗИЯНКӘШЛИКТИН ҚОРҚУШҚА СӘВӘП ЙОҚ» НАМЛИҚ ВИДЕОНИ КӨРҮП, ТӨВӘНДИКИ СОАЛЛАРҒА ҖАВАП БЕРИҢ:
• Қериндашлар немидин қорқти?
• Уларға қорқмаслиққа немә ярдәм бәрди?