БУ НЕМИШКӘ МУҺИМ? Әгәр тәтқиқ қилғучилар тәйярлиқ қилса, өткән материални чүшиниши вә уларни ядида сақлап қелиши асан болиду. Улар қанчә көпирәк чүшәнсә вә есида сақлиса, шунчә тез роһий җәһәттин өсиду. Һәтта чөмдүрүлүштин өткәндин кейинму, «һошияр болуш» үчүн улар учришишларға вә вәзилик хизмәткә тәйярлиқ қилиши керәк (Мт 25:13). Шуңа, издиниш вә тәтқиқ қилишниң адити болса, бу уларға һаятида көп пайда елип келиду. Шуниң үчүн тәтқиқ қилғучиға, дәсләптила тәтқиқ қилиш адитини риваҗландурушқа ярдәм беришимиз керәк.

БУНИҢ ҮЧҮН НЕМӘ ҚИЛИШ КЕРӘК?

• Яхши үлгә болуң (Рм 2:21). Һәрбир тәтқиқ қилғучиниң еһтияҗлирини нәзәрдә тутуп, тәйярлиқ қилиң (km 11.15. 3-б.). Җавапларниң асти сизилған әдәбиятиңизни көрситиң.

• Уни тәйярлиқ қилишқа дәвәт қилиң. Қизиққучи үгинишни башлиғанда униңға тәйярлиқ қилиш — Муқәддәс китапни тәтқиқ қилишниң бир қисми екәнлигини вә шундақ тәйярлиқниң пайдисини чүшәндүрүң. Тәйярлиқ қилиш үчүн вақитни қандақ тепишқа болидиғанлиғиға тегишлик әмәлий мәслиһәт бериң. Тәйярлиқниң пайдисини көрүш үчүн бәзи үгәткүчиләр өзиниң җаваплириниң асти сизилған әдәбиятини тәтқиқ дәрис вақтида қизиққучиға бериду. Қизиққучи тәйярлиқ қилса, уни махтаң.

• Униңға қандақ тәйярлиқ қилиш керәклигини көрситиң. Дәсләпки тәтқиқ қилиш дәрисләрнииң биридә, бәзи җакалиғучилар қандақ тәйярлиқ қилиш керәклигини көрситиду.