БУ НЕМИШКӘ МУҺИМ? Һәр һәптә җамаәт учришишлири «Пәрвәрдигарға атап йеңи бир нахшини» ейтишқа вә уни «мәдһийиләшкә» мүмкинчилик бериду (Зб 149:1). Учришишларда Худаниң ирадисини орунлашқа үгинимиз (Зб 143:10). Қизиққучилар вә Муқәддәс китапни тәтқиқ қиливатқанлар җамаәтләргә келишни башлиғанда, роһий җәһәттин чапсанирақ өсүшкә башлайду.

БУНИҢ ҮЧҮН НЕМӘ ҚИЛИШ КЕРӘК?

• Адәмни мүмкинқәдәр тезирақ чақирғиниңиз яхши. Тәтқиқ дәрисиниң турақлиқ өтүшини күтүшниң һаҗити йоқ (Вһ 22:17).

• Қизиққучиға җамаәт қандақ өтидиғанлиғини вә келәрки җамаәт учришишида немә муһакимә қилинидиғанлиғини чүшәндүрүң. Буниңда «Ибадәт өйлиригә немә үчүн жиғилимиз?» намлиқ видеониң һәм «Йәһваниң ирадиси» китапчисиниң 5 вә 7-савақлириниң ярдими зор.

• Ярдәм тәғдим қилиң. Қизиққучиға Ибадәт өйигә йетишкә яки лайиқ кийим таллашқа ярдәм бериш мүмкин болар. Учришишта йенида олтирип, әдәбиятларни биллә қоллиниң. Қизиққучини бурадәр-қериндашлар билән тонуштуруң.