Вәз ейтишни давамлаштуруш

ҚОЮШ

Принцип: «Улар. . . тәлим берип,. . . хуш хәвәрни җакалашни давамлаштурди» (Әлч. 5:42, ЙД).

Әлчи Паул немә қилған?

ВИДЕО: Әлчи Паулниң Әфәстә вәз қилишни давамлаштуруши

1. ВИДЕОНИ көрүң яки Әлчиләр 19:8—10ни оқуң, кейин төвәндики соалларға җавап бериң:

a. Бәзи кишиләр қарши чиққанда, әлчи Паул бәл қоюветишниң орниға, қизиқиш көрсәткәнләргә давамлиқ ярдәм бериш үчүн немә қилған?
ә. Қизиқиш көрсәткәнләргә тәлим бериш үчүн Паул қанчә қетим қайта йолуқушқа барған? Қачанғичә шундақ қилған?

Әлчи Паулдин немини үгинимиз?

2. Қайта йолуқушимизниң үнүмлүк болуши вә Муқәддәс китап үгинишлирини башлаш үчүн күч вә вақит чиқиришимиз керәк.

Әлчи Паулни үлгә қилиш

3. Кишигә қолайлиқ вақитта униңға қайта йолуқуш үчүн тәйяр болуш. Өз-өзүңиздин мундақ сораң: «Қачан вә қәйәрдә киши билән алақилашсам, униң үчүн қолайлиқ болидиғанду? У қачан вә қәйәрдә сөһбәтлишишни халайдиғанду?» Һәтта сиз үчүн қолайсиз вақиттиму кишигә қайта йолуқушқа тәйяр болуң.

4. Қайта сөһбәтлишиш үчүн вақит бәлгүләш. Һәр қетим сөһбәт ахирида у киши билән қайта сөһбәтлишишниң вақтини бәлгүләшкә тиришиң. Бәлгүлигән вақит вә җайда униң билән чоқум көрүшүң.

5. Үмүтни үзмәң. Әгәр киши өйидә дайим йоқ яки алдираш болса, у хуш хәвәргә қизиқмайду дәп тезла хуласә чиқармаң (Кор. 1-х. 13:4, 7). Әксинчә, киши билән көрүшүш үчүн давамлиқ пурсәт издәң. Бирақ өз вақтиңиздин үнүмлүк пайдилиниң (Кор. 1-х. 9:26).

БУ АЙӘТЛӘРГИМУ ҚАРАҢ

Әлч. 10:42; Кор. 1-х. 9:22, 23; Кор. 2-х. 4:1; Гал. 6:9

ИНСАНЛАРНИ СӨЙҮП ШАГИРТЛАРНИ ТӘЙЯРЛАҢ