11-ДӘРИС
Муқәддәс китап оқушниң сиз үчүн қандақ пайдиси бар?
Сиз чоң бир ишни башлаш һәққидә ойланғиниңизда, уни қандақму түгитәрмән дәп баш қатурғанму? Шу қийин көргән ишни асанирақ тамамлаш үчүн уни бөлүп, бир-бирләп қилишиңиз мүмкин. Муқәддәс китапни оқушни шуниңға охшитишқа болиду. Бәлким, сиз: «Қәйәрдин башлисам болар?»— дәп ойлайсиз. Бу дәристә Муқәддәс китапни оқушиңизға ярдәм беридиған аддий бирқанчә усулларни көрүп чиқимиз. Шулар Муқәддәс китапни оқуш вә тәтқиқ қилиштин һузур елишиңизға ярдәм бериду.
1. Немә үчүн биз һәр күни Муқәддәс китап оқушни адәткә айландурушимиз керәк?
Муқәддәс китапни, йәни Йәһваниң қанунлирини оқушни адәткә айландурған адәм һаятида хошаллиқ вә ишлирида ронақ тапиду (Зәбур 1:1—3ни оқуң). Дәсләптә һәр күни пәқәт бирқанчә минут оқушқа һәрикәт қилип көрүң. Худа Сөзи һәққидә билимлириңиз ашқансири, Муқәддәс китап оқуш сизгә шунчә көп һузур беғишлайду.
2. Муқәддәс китаптин оқуғанлиримизниң пайдисини көрүшкә немә ярдәм бериду?
Муқәддәс китаптин оқуғанлиримизниң көпирәк пайдисини көрүш үчүн, бираз тохтап оқуғанлиримиз үстидә чоңқур ойлинишимиз керәк (Йәшуа 1:8). Оқуғанда өз-өзүңиздин шундақ соал сораң: «Оқуғанлирим Яратқучи Йәһва һәққидә маңа немә ейтип бериду? Шуларни һаятимда қандақ қоллиналаймән? Шу айәтләрни ишлитип, башқиларға қандақ ярдәм берәләймән?»
3. Муқәддәс китап оқушқа қачан вақит чиқиралайсиз?
Сизгә Муқәддәс китап оқуш үчүн вақит тепиш қийин болуватамду? Көпинчимиз шундақ қийинчилиқларға дуч келимиз. Вақтиңиздин үнүмлүк пайдилиниш үчүн тиришиң (Әфәсликләргә 5:16). Буниң үчүн һәр күни Муқәддәс китап оқушқа мәлум бир вақитни аҗритип көрүң. Бәзиләр Муқәддәс китапни оқушқа таң сәһәрдә вақит чиқириду. Башқилири кейинирәк, чүшлүк тамақ вақтида оқуйду. Йәнә башқилири болса, кәчтә ухлаштин бурун оқуйду. Сиз үчүн әң қолайлиқ вақит қачан?
ЧОҢҚУРИРАҚ ҚЕЗИҢ
Муқәддәс китап оқуштин техиму зоқ елишниң йолини биливелиң. Муққәдәс китап тәтқиқ үгинишиниң көпирәк пайдисини көрүш үчүн, шуниңға қандақ яхширақ тәйярлиқ қилишни үгинивелиң.
Һечқачан йәп бақмиған тамақниң тәмигә адәтлинишни үгәнгәндәк, биз Муқәддәс китап оқуштин зоқ елишни үгинәләймиз
4. Муқәддәс китап оқуштин һузур елишни үгиниш
Бәлким, Муқәддәс китап оқушни башлаш асанға чүшмәйду. Бирақ һечқачан йәп бақмиған тамақниң тәмигә адәтлинишни үгәнгәндәк, биз Муқәддәс китап оқуштин зоқ елишни үгинәләймиз. Петрусниң 1-хети 2:2ни оқуң, кейин төвәндики соалға җавап бериң:
-
Сизниңчә, әгәр һәр күни Муқәддәс китап оқусиңиз, униңдин һузур алаламсиз вә техиму көпирәк оқушни халамсиз?
ВИДЕОНИ көрүп, бәзиләрниң Муқәддәс китап оқуштин һузур елишни қандақ башлиғанлиғини биливелиң. Кейин төвәндики соаллар үстидә ойлинип көрүң.
-
Бу видеода яшлар қандақ қийинчилиқларни йәңгән?
-
Уларниң давамлиқ Муқәддәс китап оқушқа адәтлинишигә немә ярдәм бәргән?
-
Улар Муқәддәс китап оқуштин техиму һузур елиш үчүн немә қилған?
Сизгә ярдәм беридиған мәслиһәтләр:
-
Чүшинишлик, тили раван тәрҗимини таллаң. Әгәр ана тилиңизда «Йеңи дуния тәрҗимиси» болса, шу тәрҗимини оқуп көрүң.
-
Сиз әң қизиқарлиқ дәп қариған бөләкни оқушқа башлаң. Буниң үчүн, «Муқәддәс китапни оқушни башлаң» дегән җәдвәлдин пайдилиниң.
-
Оқуп болған җайларға бәлгү қоюң. «Муқәддәс китаптин немиләрни оқуп болдиңиз» дегән җәдвәлни ишлитиң.
-
JW Library®программисини ишлитиң. Телефон, компьютер яки башқа нәрсиләрдин пайдилинип, мошу программини ишлитип, өзүңиз чүшинидиған бир тилда Муқәддәс китапни һәр қандақ җайда вә вақитта оқалайсиз яки авазлиқ оқушлиғини тиңшалайсиз.
-
«Муқәддәс Китап. Мәдһийә тәрҗимисиниң» ахирқи бәтлиридики қошумчә изаһәткә қараң. Шу қошумчә хәритиләр, җәдвәлләр вә чүшәндүрүшләрни өз ичигә алған болуп, Муқәддәс китапни оқуштин техиму зоқ елишиңизға ярдәм бериду.
5. Муқәддәс китап тәтқиқ үгинишиңизгә тәйярлиқ қилиң
Зәбур 119:34ни оқуң, кейин төвәндики соалға җавап бериң:
-
Муқәддәс китап оқуш яки тәтқиқ үгинишигә тәйярлиқ қилиштин бурун дуа қилиш немә үчүн муһим?
Һәр қетимлиқ тәтқиқ үгинишиңизниң көпирәк пайдисини көрүш үчүн, немә қилалайсиз? Мошу дәрисликтики һәрбир дәрискә тәйярлиқ қилғиниңизда, төвәндики усулларни синап беқиң:
-
А. Чоңқурирақ қезиң дегән бөләкниң үстидики абзацларни оқуң.
-
Ә. Нәқил кәлтүрүлгән айәтләрни оқуп, уларниң үгиниватқан мәзмун билән қандақ бағлиниши барлиғини чүшинишкә һәрикәт қилиң.
-
Б. Һәрбир соалға җавап бериш үчүн, муһим сөз-ибариләр яки җүмлиләрниң астиға сизип қоюң. Бу сизгә Муқәддәс китап тәтқиқ үгинишидә ярдәм бериду.
Сиз биләмсиз?
Йәһва гувачилири Муқәддәс китапниң бирқанчә тәрҗимилирини ишлитип келиватиду. Шундақтиму, биз «Муқәддәс китап. Йеңи дуния тәрҗимисини» бәкирәк яхши көримиз. Сәвәви у тоғра, чүшинишлик, униңда Худаниң исми ишлитилгән. «Йәһва гувачилирида өзлириниң Муқәддәс китави барму?» дегән торбәттики мақалигә қараң.
БӘЗИЛӘР МУНДАҚ ДӘЙДУ: «Муқәддәс китапни оқуш яки тәтқиқ қилиш бизниң ишимиз әмәс. Мениң шундақ қилғидәк вақтимму йоқ».
-
Сизму шундақ ойламсиз?
ХУЛАСӘ
Муқәддәс китапниң көпирәк пайдисини көрүш үчүн уни оқушқа вақит чиқириң. Оқуғанларни чүшиниш үчүн дуа қилиң вә Муқәддәс китап тәтқиқ үгиниши үчүн тәйярлиқ қилиң.
Тәкрарлаш
-
Муқәддәс китаптин көпирәк пайда елишиңизға немә ярдәм бериду?
-
Муқәддәс китапни оқушқа вә уни тәтқиқ қилишқа қачан вақит чиқиралайсиз?
-
Муқәддәс китап тәтқиқ үгинишиңизгә тәйярлиқ қилиш немә үчүн муһим?
ИЗДИНИП КӨРҮҢ
Муқәддәс китапни оқуштин пайда елишиңизға ярдәм беридиған мәслиһәтләрни қайта көрүп чиқиң.
«Муқәддәс китап оқушниң қандақ пайдиси бар?» («Күзитиш мунари» 2017-жил, 1-сан)
Муқәддәс китап оқушниң үч усулини биливелиң.
Муқәддәс китап оқуштин қандақ һузур алалайдиғанлиғиңизни байқашқа тиришиң.
Узун жиллардин бу ян, Муқәддәс китапни оқуватқанлардин тәтқиқ қилишниң усуллирини сорап көрүң.
Буларғиму қизиқишиңиз мүмкин
КӨПЧИЛИКНИ ҚИЗИҚТУРИДИҒАН СОАЛЛАР
Муқәддәс китаптин билим елиш үчүн Йәһва гувачилири билән тәтқиқ қилиш қандақ өткүзүлиду?
Өзүңизгә тонушлуқ һәрқандақ Муқәддәс китапни ишлитип, Йәһва гувачилири тәминлигән һәқсиз билим елиш дәрислирини тәтқиқ қилип үгәнсиңиз болиду. Тәтқиқ үгинишкә пүтүн аилә әзалириңизни яки достлириңизни чақирсиңиз болиду.
