8-ДӘРИС
Мисалларни ишлитип тәлим бериш
Мәтта 13:34, 35
АСАСИЙ МӘХСӘТ. Мисаллар арқилиқ тәлим бериш маһаритини өстүрүш. Тиңшиғучиларни қизиқтуридиған аддий мисалларни ишлитип, асасий ой-пикирни йәткүзүш.
МӘХСӘТКӘ ҚАНДАҚ ЙЕТӘЛӘЙСИЗ?
-
Аддий мисалларни таллаш. Әйсаниң тәлим бериш усулини үлгә қилип, чоңқур ой-пикир яки мурәккәп тәлимләрни һәммигә мәлум аддий мисалларни яки сөзләрни ишлитип чүшәндүрүң. Кәлтүрүлгән мисал билән асасий ой-пикир оттурисидики бағлинишни тиңшиғучиларниң көрүп йетишигә көз йәткүзүң. Мисалларға мунасивәтсиз ушшақ-чүшшәк тәпсилатларни қошмаң. Болмиса, улар асасий ой-пикиргә диққитини қариталмаслиғи мүмкин.
-
Мисал таллиғанда тиңшиғучиларни нәзәрдә тутуш. Тиңшиғучиларниң иш-паалийәтлири вә қизиқишлири билән мунасивәтлик мисалларни таллаң. Таллиған мисалиңиз тиңшиғучиларни хиҗаләт қилмисун яки рәнҗитип қоймисун.
-
Асасий ой-пикирни йәткүзүш. Мисални чүшәндүргәндә ушшақ-чүшшәк тәпсилатларни әмәс, асасий ой-пикирни тәкитләң. Тиңшиғучиларниң пәқәт шу мисалнила әмәс, бәлки шу мисал билән бағлинишлиқ асасий ой-пикирни әстә сақлишиға көңүл бөлүң.