Зәбур 47:1—9
Хор башчисиға. Кораһ оғуллириниң күйи.
47 Барлиқ хәлиқләр, чавақ челиңлар!
Худаға тәнтәнә үндәңлар!
2 Чүнки Йәһва Илаһимиз әйминишкә сазавәр,
У пүткүл йәрниң улуқ Падишаси!
3 У бизгә хәлиқләрни беқиндурмақта,
Қәбилиләрни айиғимизға ташлимақта.
4 Биз үчүн У мирас таллимақта,
Сөйгән Яқупниң гөзәлликлигини. (Селаһ)
5 Худа шат үнләрдә көтирилмәктә,
Йәһва мүңгүз челинишида чиқмақта.
6 Худани нахшида махтаңлар,
Униңға, Падишамизға, күй ейтиңлар.
7 Сәвәви, Худа хәлиқләр үстидин Падиша болди!
Уни даналарчә мәдһийиләңлар.
8 Худа бар хәлиқ үстидин Һөкүмран,
Өз муқәддәс тәхтидә олтарди.
9 Хәлиқләр даһилири Ибраһимниң Илаһиниң
Хәлқи билән қошулмақта, чүнки йәр қалқанлири
Худаниң һакимийитидә. У улуғвардур!
