Йәшая 15:1—9
15 Моабқа қарши еғир хәвәр:
Шундақ, түндә Ар-Моаб вәйранчилиқтин
Теч болиду! Шундақ, түн бойи Кир-Моаб
Гумранлиққа учрап, харап болиду!
2 Кишилири дөңләргә көтирилип, Дибон
Һәм бутхана һәққидә жиғлаватиду.
Моаб Нево вә Медебаларға өпкидәватиду,
Барлиғиниң чачлири чүшүрүлүп,
Сақаллири кисқартилди.
3 Кочилирида һәммәйлән қапларға кийинди,
Өгүзләрдә вә мәйданларда жиғилишип,
Яш-нәмгә чөкүп қалди.
4 Есибон вә Елеале товлимақта, уларниң үни
Һәтта Йахазда аңланмақта. Шуңлашқа Моабниң
Ләшкәрлири қорқуп, җени чиқмақта.
5 Қәлбим Моаб һәққидә хапичилиқта.
Униң қачқунлири Зоар вә Еглатқичә йәтти.
Улар жиға-зерә билән Лухитниң қаптилидин Көтирилип,
Хоронайинниң йолида апәт
Азавидин қаттиқ жиғлишиватиду.
6 Нимримниң сулири қуруп кәтти,
Яйлақлар қуруп, гия-кокатлар солашти.
Отлақларда һечбир көк көрүнмәйду.
7 Шуңлашқа улар байлиғиниң һәм мал-мүлкиниң
Қалдуқлирини елип, әрәпләрниң өстиңи вә
Вадиси арқилиқ өтүватиду.
8 Уларниң жиға-зари Моабниң чәклиригә тарилип,
Еглайимда уларниң зарлиши вә Беэр-Елимда
Муңлуқ зувани чиқмақта.
9 Димонниң сулири қанға айланди.
Амма Димон үчүн Мән йеңи нәрсә тәйярлап
Қойдум: Мән Моабниң аман қалған нәслигә,
Қачақларға вә вәтинидә қалғанларға,
Жиртқуч ширларни әвәтимән.
